- 1
- Na, nga tamariki a Iharaira, to ratou tokomahatanga, nga tino mātua, me nga rangatira o nga mano, o nga rau, me o ratou rangatira i mahi nei ki te kingi i nga mea katoa a nga wehenga i haere mai nei, i haere atu ranei, i tenei marama, i tenei marama, i nga marama katoa o te tau; e rua tekau ma wha nga mano o te wehenga kotahi.
- 2
- Te rangatira o te wehenga tuatahi o te marama tuatahi, ko Iahopeama tama a Tapariere. E rua tekau ma wha nga mano i roto i tana wehenga.
- 3
- No nga tamariki a Perete te rangatira o nga rangatira katoa o te ope mo te marama tuatahi.
- 4
- Te rangatira o te wehenga mo te rua o nga marama, ko Rorai Ahohi; ko Mikiroto ano te rangatira o tona wehenga. E rua tekau ma wha ano hoki nga mano i tona wehenga.
- 5
- Te tuatoru o nga rangatira ope, mo te toru o nga marama, ko Penaia tama a Iehoiara, he tohunga nui; a, e rua tekau ma wha nga mano o tona wehenga.
- 6
- Ko taua Penaia tenei i nui nei i roto i te toru tekau, nui atu hoki i te toru tekau. I roto ano tana tama a Amitapara i tona wehenga.
- 7
- Te tuawha o nga rangatira, mo te wha o nga marama, ko Atahere teina o Ioapa, me tana tama ano me Teparia i muri i a ia. Na, e rua tekau ma wha nga mano i roto i tona wehenga.
- 8
- Te tuarima o nga rangatira, mo te rima o nga marama, ko Hamahutu Itirahi. Na, e rua tekau ma wha nga mano i roto i tona wehenga.
- 9
- Te tuaono o nga rangatira, mo te ono o nga marama, ko Ira tama a Ikehe Tekoi. Na, e rua tekau ma wha nga mano i roto i tona wehenga.
- 10
- Te tuawhitu o nga rangatira, mo te whitu o nga marama, ko Herete Peroni, no nga tamariki a Eperaima. Na, e rua tekau ma wha nga mano i roto i tona wehenga.
- 11
- Te tuawaru o nga rangatira, mo te waru o nga marama, ko Hipekai Huhati, no nga Tarahi. Na, e rua tekau ma wha nga mano i roto i tona wehenga.
- 12
- Te tuaiwa o nga rangatira, mo te iwa a nga marama, ko Apietere Anatoti, no nga Peniamine. Na, e rua tekau ma wha nga mano i tona wehenga.
- 13
- Te tekau o nga rangatira, mo te tekau o nga marama, ko Maharai Netopati, no nga Tarahi. Na, e rua tekau ma wha nga mano i tona wehenga.
- 14
- Te tekau ma tahi o nga rangatira, mo te tekau ma tahi o nga marama, ko Penaia Piratoni, no nga tamariki a Eperaima. Na, e rua tekau ma wha nga mano i tona wehenga.
- 15
- Te tekau ma rua o nga rangatira, mo te tekau ma rua o nga marama, ko Hererai Netopati, no Otoniere. Na, e rua tekau ma wha nga mano i tona wehenga.
- 16
- Tenei ano nga rangatira o nga iwi o Iharaira. Te rangatira o nga Reupeni, ko Erietere tama a Tikiri: o nga Himeoni, ko Hepatia tama a Maaka:
- 17
- O nga Riwaiti, ko Hahapia tama a Kemuere: o nga Aroni, ko Haroko:
- 18
- O Hura, ko Erihu, no nga tuakana o Rawiri: o Ihakara, ko Omori tama a Mikaera:
- 19
- O Hepuruna, ko Ihimaia tama a Oparia; o Napatari ko Terimoto tama a Atariere:
- 20
- O nga tamariki a Eperaima, ko Hohea tama a Atatia: o tetahi tānga o te iwi o Manahe, ko Hoere tama a Peraia:
- 21
- O tera tānga o te iwi o Manahe i Kireara, ko Iro tama a Hakaraia: O Peniamine, ko Taahiere tama a Apanere:
- 22
- O Rana, ko Atareere tama a Ierohama. Ko nga rangatira enei o nga iwi o Iharaira.
- 23
- Kihai ia i taua e Rawiri te hunga e rua tekau, he iti iho hoki, nga tau; i mea hoki a Ihowa, ka whakanuia e ia a Iharaira kia rite ki nga whetu o te rangi.
- 24
- Na Ioapa tama a Teruia i timata te tatau. Otiia kihai i oti i a ia; no te mea i pa mai he riri mo tenei mea ki a Iharaira; kihai hoki te tokomahatanga i uru ki roto ki te tauanga a nga meatanga o nga ra o Kingi Rawiri.
- 25
- Na, te rangatira o nga taonga o te kingi, ko Atamawete tama a Ariere: a, te rangatira o nga whare taonga i nga mara, i nga pa, i nga pa koraha, i nga taumaihi, ko Honatana tama a Utia.
- 26
- A, te rangatira o nga kai mahi o te mara, i mahia ai te oneone, ko Eteri tama a Kerupu.
- 27
- Na, mo nga mara waina ko Himei Ramati. Te rangatira mo nga mea o nga mara waina e kawea ana ki nga toa waina, ko Tapari Hipini.
- 28
- Mo nga oriwa, me nga hikamora nga raorao, ko Paara-hanana Kereri; mo nga toa hinu, ko Ioaha.
- 29
- Mo nga kau e haereere ana i Harono, ko Hitirai Haroni. A, mo nga kau i nga mānia, ko Hapata tama a Ararai.
- 30
- Mo nga kamera, ko Opiri Ihimeeri. Mo nga kaihe, ko Iehereia Meronoti.
- 31
- Mo nga hipi, ko Iatiti Hakari. Enei katoa he rangatira no nga taonga o Kingi Rawiri.
- 32
- Na, a Honatana matua kēkē o Rawiri, he kai whakatakoto whakaaro ia, he tangata mohio, he karaipi. Ko Tehiere ano hoki tama a Hakamoni hei hoa mo nga tama a te kingi.
- 33
- Ko Ahitopere te kai whakatakoto whakaaro a te kingi. Ko Huhai Araki he hoa no te kingi.
- 34
- I muri i a Ahitopere, ko Iehoiara tama a Penaia, ko Apiatara hoki. A, te rangatira ope o te kingi, ko Ioapa.
Address: 
Phone: 
Email: