- 1
- Nga tama a Hura: ko Parete, ko Heterono, ko Karami, ko Huru, ko Hopara.
- 2
- Na, whanau ake ta Reaia ta te tama a Hopara; ko Iohata. Whanau ake ta Iahata, ko Ahumai, ko Rahara. Ko nga hapu enei o nga Torati.
- 3
- Na, na te pāpā enei o Etama; ko Ietereere, ko Ihima, ko Iripaha; a te ingoa o to ratou tuahine, ko Haterereponi.
- 4
- Ko Penuere pāpā o Keroro, me Etere ano hoki pāpā o Huhaha. Ko nga tama enei a Huru a te matamua a Eparata pāpā o Pete-rehema.
- 5
- Na, tokorua nga wahine a Ahuru pāpā o Tekoa; ko Heraha, ko Naara.
- 6
- Na, whanau ake i a raua ko Naara; ko Ahutama, ko Hewhere, ko Temeni, ko Haahahatari. Ko nga tama enei a Naara.
- 7
- Na, nga tama a Heraha; ko Terete, ko Ietoara, ko Etenana.
- 8
- A, whanau ake ta Koto; ko Anupu, ko Topepa, me nga hapu o Aharahere tama a Harumu.
- 9
- Na, nui atu te ingoa o Tapete i to ona tuakana, teina; i karangatia ano hoki tona ingoa e tona whaea ko Tapete; i mea ia, No te mea e mamae ana toku ngakau i te mea ka whanau ia i roto i a au.
- 10
- A, i karanga atu a Tapete ki te Atua o Iharaira, i mea, Aue! me i pono rawa tau manaakitanga moku, me i whakanuia e koe te wahi moku, kia tata mai ano hoki tou ringa ki a au, kia araia atu hoki e koe te kino i a au, kei mamae toku ngakau! Na, ka homai e te Atua tana i inoi ai.
- 11
- Na, whanau ake ta Kerupu ta te teina o Hua ko Mehiri; ko te pāpā ia o Ehetono.
- 12
- Whanau ake ta Ehetono; ko Pete-rapa, ko Pahea, ko Tehina pāpā o Irinahaha. Ko nga tangata enei o Rekaha.
- 13
- A, nga tama a Kenaha; ko Otoniere, ko Heraia: na, nga tama a Otoniere; ko Hatata.
- 14
- Na, whanau ake ta Meonotai, ko Opora: whanau ake ta Heraia; ko Ioapa matua o Raorao Karahimi; he hunga mohio hoki ratou ki te mahi.
- 15
- Na, nga tama a Karepe tama a Iepune; ko Iru, ko Eraha, ko Naama: me nga tama a Eraha, ara, a Kenaha.
- 16
- Me nga tama a Ieharereere; ko Tiwhi, ko Tipaha, ko Tiria, ko Atareere.
- 17
- Na, nga tama a Etera: ko Ietere, ko Merere, ko Epere, ko Tarono: a whanau ake tana; ko Miriama, ko Hamai, ko Ihipa pāpā o Ehetemoa.
- 18
- A, whanau ake a tana wahine a Iehuria; ko Iarere pāpā o Keroro, ko Hepere pāpā o Hoko, ko Iekutiere pāpā o Tanoa. Ko nga tama hoki enei a Pitia, tamahine a Parao i riro nei i a Merere.
- 19
- Me nga tama ano a tana wahine a Horiia tuahine o Nahama pāpā o Keira Karami, o Ehetemoa Maakati.
- 20
- Na, nga tama a Himono; ko Amanono, ko Rina, ko Penehanana, ko Tirono. A, nga tama a Ihi; ko Tohete, ko Pene-tohete.
- 21
- Nga tama a Heraha tama a Hura; ko Ere pāpā o Reka, ko Raara pāpā o Mareha, me nga hapu o te whare o nga kai mahi rinena, o te whare o Ahapea.
- 22
- Me Tokimi, me nga tangata o Kotepa, me Ioaha, me Harapa: ko nga rangatira enei i mua o Moapa, me Tahupireheme. Na, he korero nonamata enei.
- 23
- Ko enei nga kai hanga rīhi, me nga tangata i noho ki nga otaota, ki nga taiepa: i noho ratou ki reira ki te kingi ki ana mahi.
- 24
- Nga tama a Himeona; ko Nemuere, ko Iamini, ko Iaripi, ko Tera, ko Haora:
- 25
- Tana tama ko Harumu; tana tama ko Mipihama; tana tama ko Mihima.
- 26
- A, nga tama a Mihima; ko tana tama ko Hamuere; ko tana tama ko Takuru; ko tana tama ko Himei.
- 27
- A, kotahi tekau ma ono nga tama a Himei, tokoono nga tamahine; kihai ia i tokomaha nga tamariki a ona tuakana, kihai hoki o ratou hapu katoa i nui haere, kihai i rite ki nga tamariki a Hura.
- 28
- Na, o ratou nohoanga kei Peere-hepa, kei Morara, kei Hatara-huara,
- 29
- Kei Piriha, kei Ateme, kei Torara,
- 30
- Kei Petuere, kei Horema, kei Tikiraka,
- 31
- Kei Pete-marakapoto, kei Hatarahuhimi, kei Pete-pirei, kei Haaraimi. Ko o ratou pa enei, a tae noa ki te kingitanga o Rawiri.
- 32
- Na, o ratou kāinga koraha, ko Etama, ko Aina, ko Rimono, ko Tokene, ko Ahana; e rima nga pa.
- 33
- Me o ratou kāinga koraha katoa i nga taha katoa o aua pa ra ano, tae noa ki Paara. Ko o ratou nohoanga me o ratou whakapaparanga enei.
- 34
- Me Mehopapa ano hoki, ratou ko Tamareke, ko Hoha tama a Amatia;
- 35
- Ko Hoere, ko Iehu tama a Tohipia, tama a Heraia, ko ia nei te tama a Ahiere,
- 36
- Ko Erioenai, ko Taakopa, ko Hehohaia, ko Ahaia, ko Ariere, ko Tehimiere, ko Penaia,
- 37
- Ko Tita tama a Hipi, tama a Arona, ko ia nei te tama a Ieraia, tama a Himiri, tama a Hemaia:
- 38
- Enei, kua whakahuatia nei o ratou ingoa, he rangatira ratou no o ratou hapu. I nui haere ano hoki te whare o o ratou mātua.
- 39
- I haere hoki ratou ki te tapokoranga atu ki Keroro, ki te taha ki te rawhiti o te raorao, ki te rapu haerenga mo a ratou kahui.
- 40
- A ka kitea e ratou he haerenga momona, he wahi pai, he whenua nui ano hoki, e ata takoto ana, kahore nei he whawhai; no Hama hoki te hunga i noho ki reira i mua.
- 41
- Na, ko te haerenga mai o te hunga kua tuhituhia nei o ratou ingoa i nga ra o Hetekia kingi o Hura, patua iho e ratou o ratou teneti me nga nohoanga i kitea ki reira, hunā iho hoki ratou taea noatia tenei ra, noho iho ano ki to ratou wahi; no te mea he haerenga kei reira mo a ratou hipi.
- 42
- Na, etahi o ratou, ara, o nga tama a Himeona, haere ana ki Maunga Heira; e rima rau nga tangata; o ratou rangatira ko Peratia, ko Nearia, ko Repaia, ko Utiere, he tama enei na Ihi.
- 43
- A patua iho e ratou nga oranga o nga Amareki i mawhiti atu i mua: noho ana ratou i reira, a taea noatia tenei ra.
Address: 
Phone: 
Email: