- 1
- Kihai ano hoki ahau, e aku teina, i ahei te korero atu ki a koutou, me te mea he hunga koutou i te Wairua, engari i te kikokiko, ano he kohungahunga i roto i a te Karaiti.
- 2
- He waiu, ehara te kai māro taku i whangai atu ra ma koutou: kiano hoki koutou i kaha noa, kahore nei ano e kaha.
- 3
- Kei te kikokiko na ano hoki koutou: i te mea hoki kei a koutou te hae, te whawhai, nga wehewehe, ehara oti koutou i te hunga i te kikokiko, a e haere ana i runga i ta te tangata ritenga?
- 4
- I tetahi hoki ka ki nei, Ko ahau no Paora; me tetahi atu, Ko ahau no Aporo; ehara oti koutou I te hunga i te kikokiko?
- 5
- Ko wai ra a Paora, ko wai a Aporo? ehara ianei i nga minita i whakapono ai koutou, i runga hoki i ta te Ariki i homai ai ki tetahi ki tetahi?
- 6
- Nāku i whakato, na Aporo i whakamakuku; na te Atua ia i mea kia tupu.
- 7
- Heoi, he kore noa iho te kai whakato, he kore noa iho te kai whakamakuku, engari te Atua nāna nei i mea kia tupu.
- 8
- Na, te kai whakato te kai whakamakuku kotahi tonu raua: a, ka rite ki tana ake mahi tona utu e riro i tetahi i tetahi.
- 9
- He hoa mahi hoki matou no te Atua: he ngakinga koutou na te Atua, he whare hanga na te Atua.
- 10
- Rite tonu taku ki ta te Atua aroha noa i homai nei ki a au, he pera me ta te kai hanga mohio, kua takoto i a au te tūnga, a ko tetahi atu kei te hanga whare ki runga. Kia tupato ia tetahi tetahi ki tana whare e hanga ai ki runga.
- 11
- E kore hoki tetahi e ahei te whakatakoto i tetahi tūnga ke atu i tera kua oti nei te whakatakoto, ara, i a Ihu Karaiti.
- 12
- Na, ki te hangā e tetahi ki runga ki tenei tūnga he koura, he hiriwa, he kohatu utu nui, he rakau, he tarutaru, he otaota;
- 13
- E whakakitea te mahi a tetahi a tetahi: ma te ra hoki e whakaatu, ma te kapura hoki e hura; a ka whakamatautauria e te kapura te mahi a tetahi a tetahi tona peheatanga.
- 14
- Ki te mau tonu ta tetahi mahi e hanga ai ki runga, e riro mai he utu i a ia.
- 15
- Ki te wera te mahi a tetahi, ka maumauria tana: heoi e ora ano ia, otira me te mea i roto i te ahi.
- 16
- Kahore oti koutou i mātau, he whare koutou no te Atua; kei roto hoki i a koutou te Wairua o te Atua e noho ana?
- 17
- Ki te hē i tetahi te whare o te Atua, ka hē ano ia i te Atua; e tapu ana hoki te whare o te Atua, ko taua whare nei ano koutou.
- 18
- Kei tinihanga tetahi tangata ki a ia ano. Ki te mea tetahi o koutou he tangata whakaaro ia no tenei ao, me whakatupu kuare ia kia whai whakaaro ai.
- 19
- Ki te Atua hoki he mea kuare nga whakaaro mohio o tenei ao: kua oti hoki te tuhituhi, Ka mau i a ia te hunga whakaaro i runga i to ratou tinihanga.
- 20
- Me tenei hoki, E mātau ana te Ariki ki nga whakaaro o te hunga whakaaro, he tekateka noa.
- 21
- Na, kei whakamanamana tetahi ki nga tāngata: mo koutou hoki nga mea katoa;
- 22
- Paora, Aporo, Kipa, te ao, te ora, te mate, nga mea o naianei, nga mea e takoto mai nei, na koutou katoa;
- 23
- No te Karaiti hoki koutou; no te Atua ano hoki a te Karaiti.
Address: 
Phone: 
Email: