- 1
- Na, ko taku whakahau tenei i te tuatahi o nga mea katoa, kia puta nga inoi, nga karakia, nga inoi wawao, nga whakawhetainga, mo nga tāngata katoa;
- 2
- Mo nga kingi, mo te hunga whai mana katoa hoki: kia ata noho marie ai tatou i runga i nga whakaaro karakia i nga tikanga mahara katoa.
- 3
- He mea pai hoki tenei, he mea e manakohia ana i te aroaro o te Atua o to tatou Kai whakaora;
- 4
- Ko tana nei e pai ai ko nga tāngata katoa kia ora, kia haere mai hoki ki te matauranga ki te pono.
- 5
- Kotahi hoki te Atua, kotahi te takawaenga o te Atua o nga tāngata, ko te tangata ko Karaiti Ihu;
- 6
- I hoatu nei i a ia hei utu mo te katoa, he mea whakarite i ona wa ake.
- 7
- A meinga ana ahau hei karere, hei apotoro mo taua mea, (he pono taku korero i roto i a te Karaiti, kahore aku teka;) he kai whakaako mo nga tauiwi i runga i te whakapono i te pono.
- 8
- Na, taku e pai ai kia inoi nga tāngata i nga wahi katoa, kia tapu nga ringa ina ara, kaua he riri, he tautohetohe.
- 9
- Me nga wāhine ano hoki, te whakapaipai mo ratou hei te kakahu ataahua, hei te ahua e whakama ana, e whai whakaaro ana; kauaka te makawe whiri, te koura, te peara, te kakahu utu nui;
- 10
- Engari te mea e pai ana mo nga wāhine e whakaae ana ki te karakia, ara nga mahi pai.
- 11
- Me ako marie te wahine kia nui te ngohengohe.
- 12
- E kore hoki e tukua e ahau te wahine kia whakaako, kia neke ake ranei tana tikanga i ta te tāne, engari me ata noho.
- 13
- Ko Arama hoki kua hangā ki mua, muri iho ko Iwi.
- 14
- Kihai ano hoki a Arama i tinihangatia, ko te wahine ia i tinihangatia, a taka iho.
- 15
- Otira ka ora ano i te whanautanga tamariki, ki te mau tonu to ratou whakapono, aroha, tapu, whakaaro.
Address: 
Phone: 
Email: