- 1
- Na, te kohikohi mo te hunga tapu, peratia e koutou me taku i whakarite ai ki nga hahi o Karatia.
- 2
- Hei te ra tuatahi o te wiki, whakatakotoria, rongoatia ake e tenei e tenei o koutou ki a ia ano, a te Atua manaakitanga ki a ia, kei waiho nga kohikohi mo te wa e haere atu ai ahau.
- 3
- A ka tae atu ahau, maku e tono te hunga e whakapaingia ana e a koutou pukapuka, hei mau i to koutou aroha noa ki Hiruharama.
- 4
- A ki te tika kia haere atu ano hoki ahau, ko matou tahi e haere.
- 5
- Na, ka haere atu ahau ki a koutou, ina tika ahau ra Makeronia: e tika ana hoki ahau ra Makeronia.
- 6
- A tera pea ahau e noho roa ki a koutou, taka noa pea te hotoke, kia ai koutou hei arahi i ahau ki te wahi e haere atu ai ahau.
- 7
- E kore hoki ahau e pai kia titiro haere ahau i a koutou aianei, e mea ana hoki ahau kia roaroa iho taku noho ki a koutou, ki te tukua e te Ariki.
- 8
- Ka noho raia ahau ki Epeha taea noatia te Petekoha.
- 9
- He kuwaha rahi hoki, he mea mahi nui, kua puare nei ki ahau, a he tokomaha nga kai tautohetohe.
- 10
- Na, ki te haere atu a Timoti, kia mahara koutou kia kaua ia e whai mataku i roto i a koutou: e mahi ana hoki ia i te mahi a te Ariki, e penei ana me ahau nei.
- 11
- Kei whakahawea ano tetahi ki a ia: engari arahina mai ia i runga i te rangimarie, kia haere mai ai ia ki ahau: e tatari ana hoki ahau ki a ia ratou ko nga teina.
- 12
- Na, to tatou teina a Aporo, nui atu taku tohe ki a ia kia haere atu ratou ko nga teina ki a koutou: otiia kihai rawa ia i pai kia haere atu i tenei wa; heoi e haere ano ia i te wa e watea ai.
- 13
- Kia mataara, e tu i runga i te whakapono, whakatāne, kia kaha.
- 14
- Kia meatia a koutou mea katoa i runga i te aroha.
- 15
- He tohe tenei naku ki a koutou, e aku teina, (e mohio ana koutou ki nga tāngata o te whare o Tepana, ko te matamua ratou o Akaia, a kua tuku ano i a ratou hei kai mahi mo te hunga tapu,)
- 16
- Kia ngohengohe koutou ki nga tāngata pera, ki te hunga katoa ano hoki e mahi tahi ana e uaua ana.
- 17
- Hari tonu ahau ki te haerenga mai o Tepana, ratou ko Porotunatu, ko Akaiku: na ratou hoki i rite ai nga mea i kore i a koutou.
- 18
- I ora hoki i a ratou toku wairua, o koutou ano hoki: na, kia mohio koutou ki te hunga pera.
- 19
- Tenei nga hahi o Ahia te oha atu nei ki a koutou. He maha nei nga ohatanga atu a Akuira raua ko Pirihira ki a koutou i roto i te Ariki, a te hahi ano hoki i to raua whare.
- 20
- Tenei nga teina katoa te oha atu nei ki a koutou. Oha atu ki a koutou ano, kei te kihi tapu.
- 21
- Ko te ohatanga tenei a Paora he mea na toku ringa ake.
- 22
- Ki te kore tetahi e aroha ki te Ariki ki a Ihu Karaiti, kia waiho ia hei Anatema Maranata.
- 23
- Kia tau te aroha noa o te Ariki o Ihu Karaiti ki a koutou.
- 24
- Hei a koutou katoa toku aroha i roto i a Karaiti Ihu. Amine.
Address: 
Phone: 
Email: