- 1
- Na, i te mutunga o nga tau e rua tekau i hangā ai e Horomona te whare o Ihowa, me tona whare ano hoki.
- 2
- Na, nga pa i homai e Hurama ki a Horomona, hangā ana aua pa e Horomona, whakanohoia ana e ia nga tamariki a Iharaira ki reira.
- 3
- Na, haere ana a Horomona ki Hamata-topa, hinga ana a reira i a ia.
- 4
- I hangā ano e ia a Taramoro i te koraha, me nga pa taonga katoa i hangā nei e ia ki Hamata.
- 5
- I hangā ano e ia a Pete-horono ki runga, me Pete-horono ano ki raro; he pa kapi tonu i te taiepa, i nga keti, i nga tutaki.
- 6
- Me Paarata, me nga pa taonga katoa a Horomona, me nga pa hariata, me nga pa hoia eke hoiho, me nga mea katoa i hiahia ai a Horomona kia hangā ki Hiruharama, ki Repanona, ki te whenua katoa o tona kingitanga.
- 7
- Te hunga katoa i mahue o nga Hiti o nga Amori, o nga Perihi, o nga Hiwi, o nga Iepuhi, ehara nei i a Iharaira,
- 8
- Ko a ratou tamariki i toe nei i muri i a ratou ki te whenua, he mea kihai i ngaro i nga tamariki a Iharaira, meinga ana ratou e Horomona hei homai takoha, a mohoa noa nei.
- 9
- Na, nga tamariki a Iharaira, kihai a Horomona i mea i etahi o ratou hei pononga mo tana mahi; engari hei tangata whawhai ratou, hei rangatira mo ana rangatira, hei rangatira ano mo ana hariata, mo ona hoia eke hoiho.
- 10
- Ko nga rangatira ano enei o nga kai tohutohu a Kingi Horomona, e rua rau e rima tekau, hei rangatira mo te iwi.
- 11
- A, i kawea mai ano e Horomona te tamahine a Parao i roto i te pa o Rawiri ki te whare i hangā e ia mona. I mea hoki ia, Kaua taku wahine e noho ki te whare o Rawiri kingi o Iharaira; e tapu ana hoki nga wahi i tae atu ai te aaka o Ihowa.
- 12
- Katahi ka whakaekea e Horomona nga tahunga tinana ma Ihowa ki runga ki te aata o Ihowa i hangā nei e ia ki mua i te whakamahau,
- 13
- Te mea o tenei ra, o tenei ra; rite tonu te whakaeke ki ta Mohi i whakahau ai, i nga hapati, i nga kowhititanga marama, i nga hakari nui, e toru nga meatanga i te tau, ara, i te hakari taro rewena-kore, i te hakari o nga wiki, i te hakari whare tihokahoka.
- 14
- I whakatikaia ano e ia ta tona pāpā, ta Rawiri i whakarite ai, ko nga wehenga o nga tohunga ki ta ratou mahi, a, ko nga Riwaiti ki nga mea hei maharatanga iho ma ratou, ki te whakamoemiti, ki te minita ki te aroaro o nga tohunga, ki nga meatanga o tenei ra, o tenei ra: ko nga kai tiaki kuwaha ano hoki, o ratou wehenga ki tenei kuwaha, ki tenei kuwaha; ko te mea hoki tena i whakahaua e Rawiri e ta te Atua tangata.
- 15
- Kihai hoki i mahue i a ratou te whakahau a te kingi ki nga tohunga, ki nga Riwaiti, mo nga mea katoa, mo nga taonga ano hoki.
- 16
- Na, kua rite noa ake i a Horomona te mahi katoa, i mua ake ano i te rangi i whakaturia ai te whare o Ihowa, a oti noa. Na, kua tino oti te whare o Ihowa.
- 17
- Katahi ka haere a Horomona ki Ehiono-kepere, ki Eroto ano hoki ki te taha o te moana i te whenua o Eroma.
- 18
- Na, ka ungā mai ana tangata e Hurama ki a ia hei kawe mai i nga kaipuke, me etahi tangata e mohio ana ki te moana, a, rere ana ratou ko nga tangata o Horomona ki Opira, tangohia mai ana e ratou he koura e wha rau e rima tekau nga taranata, kawea mai ana e ratou ki a Kingi Horomona.
Address: 
Phone: 
Email: