- 1
- E timata ana ano ranei matou te whakapai i a matou? e mea ana ranei matou, e pera ana me etahi atu, ki nga pukapuka whakapai ki a koutou, kia homai ranei etahi pukapuka whakapai e koutou?
- 2
- Ko koutou ta matou pukapuka he mea tuhituhi ki o matou ngakau, e kitea ana e korerotia ana e nga tāngata katoa:
- 3
- Kua mārama rawa na hoki koutou he pukapuka na te Karaiti, he mea minita na matou, ehara i te mea tuhituhi ki te mangumangu, engari ki te Wairua o te Atua ora; he teka ki runga ki nga papa kohatu, engari ki runga ki nga papa kikokiko o te ngakau.
- 4
- Tenei te whakaaro o matou, u tonu ki ta te Atua he mea na te Karaiti:
- 5
- He teka kei a matou ake te tikanga mo te whakaaro ki tetahi aha, me te mea no matou ake ano; engari na te Atua matou i whai tikanga ai;
- 6
- Nāna hoki matou i tau ai hei minita mo te kawenata hou; he teka no te reta, engari no te wairua: he whakamate hoki ta te reta, he whakaora ta te wairua.
- 7
- Na, i whai kororia nei to minitatanga o te mate, he reta i whaoa nei ki nga kohatu, a kihai i taea e nga tamariki a Iharaira te titiro matatau atu ki te mata o Mohi, i te kororia hoki o tona mata; he kororia ano e whakakahoretia ana:
- 8
- A e kore ianei e nui noa atu te kororia o te minitatanga a te Wairua?
- 9
- He kororia nei hoki to te minitatanga o te whakamate, whaihoki tera rawa e hira te kororia o te minitatanga o te tika.
- 10
- Kihai hoki te mea i whakakororiatia i whai kororia i tenei wahi, na te kororia hoki e nui whakaharahara nei.
- 11
- I na runga mai nei hoki i te kororia te mea e whakakahoretia ana, whaihoki ka nui noa atu te kororia o te mea pumau.
- 12
- Na, i a matou ka tumanako atu nei ki tenei, nui atu to matou maia ki te korero:
- 13
- E kore ano e pera me Mohi i maka nei i te hipoki ki tona mata kei titiro matatau atu nga tamariki a Iharaira ki te tukunga iho o te mea ka whakakahoretia nei:
- 14
- Otira i whakapakeketia o ratou hinengaro: e mau tonu ana hoki taua hipoki ra ano i te korerotanga o te kawenata tawhito, taea noatia tenei ra, kahore ano i hurahia; i roto ia i a te Karaiti ka whakakahoretia.
- 15
- Heoi i te mea e korerotia ana a Mohi, e takoto ana te hipoki ki runga ki to ratou ngakau, taea noatia tenei ra.
- 16
- Na, ka tahuri ki te Ariki, ka tangohia te hipoki.
- 17
- Na, te Ariki nei ko te Wairua: a, te wahi i noho ai te Wairua o te Ariki, kei reira te tikanga here-kore.
- 18
- Na, tatou katoa hore rawa he hipoki mo te mata i a tatou e titiro nei ki te kororia o te Ariki, me te mea i roto i te whakaata, whakaputaina ketia ake tatou kia rite ki taua ahua ano, he kororia hono iho ano ki te kororia, i runga i ta te Wairua o te Ariki.
Address: 
Phone: 
Email: