- 1
- Na te kaumatua ki te wahine rangatira kua oti te whiriwhiri, ki aua tamariki hoki, e arohaina ponotia nei e ahau; a ehara i te mea e ahau anake, e nga tāngata katoa ano hoki kua mātau ki te pono;
- 2
- He whakaaro hoki ki te pono e mau nei i roto i a tatou, a e mau ano ki a tatou, ake ake ake:
- 3
- Kia tau ki a koutou te aroha noa, te mahi tohu, me te rangimarie, he mea na te Atua Matua, na te Ariki hoki na Ihu Karaiti, na te Tama a te Matua, i runga ano i te pono i te aroha.
- 4
- Hari pu ahau noku i kite i etahi o o tamariki e haere ana i runga i te pono, e whakarite ana i te ture kua homai ki a tatou e te Matua.
- 5
- Na, tenei ano taku kupu ki a koe, e tai, ehara i te ture hou taku e tuhituhi atu nei ki a koe, engari ko tera i a tatou no te timatanga, kia aroha tatou tetahi ki tetahi.
- 6
- A ko te aroha tenei, kia haere tatou i runga i ana ture. Ko te ture ano tenei, kia rite ki ta koutou i rongo ai i te timatanga, hei runga i tera he haerenga ma koutou.
- 7
- He tokomaha hoki te hunga whakapohehe kua tae mai ki te ao, kahore nei e whakaae i haere mai a Ihu Karaiti i te kikokiko. Ko te tangata whakapohehe tenei, ko te anatikaraiti.
- 8
- Kia whai whakaaro ki a koutou ano, kei maumauria a tatou mahi, engari kia tino nui te utu e riro i a tatou.
- 9
- Te tangata e poke ke ana, a kahore e mau ki te whakaakoranga a te Karaiti, kahore te Atua i a ia: te tangata e mau ana ki te whakaakoranga a te Karaiti, kei tenei te Matua me te Tama.
- 10
- Ki te haere atu tetahi ki a koutou, a ehara tenei i te whakaakoranga e kawea atu e ia, kaua ia e puritia ki te whare, kaua ano hoki e oha atu ki a ia:
- 11
- Ki te oha atu hoki tetahi ki a ia, ka uru ia ki ana mahi kino.
- 12
- He maha nga mea hei tuhituhinga atu maku ki a koutou, heoi kihai ahau i pai ki te pepa ki te mangumangu: engari e mea ana ahau tera ahau e haere atu ki a koutou, a ka korero atu he mangai he mangai, kia tino nui ai to tatou hari.
- 13
- Tenei te oha atu nei ki a koe nga tamariki a tou teina whiriwhiri. Amine.
Address: 
Phone: 
Email: