- 1
- A, te rongonga o te tama a Haora kua mate a Apanere ki Heperona, na, ngohe noa iho ona ringa, a, raru ana a Iharaira katoa.
- 2
- Na, tokorua nga tangata a te tama a Haora, he rangatira ngohi, te ingoa o tetahi ko Paana, te ingoa hoki o tetahi ko Rekapa, he tama na Rimono Peeroti, no nga tamariki a Peniamine; (i kiia hoki a Peeroto no Peniamine:
- 3
- I rere hoki nga Peeroti ki Kitaima, a noho ana i reira, a taea noatia iho tenei ra.)
- 4
- Na, he tama ano ta Honatana tama a Haora, he kopa ona waewae. E rima nga tau o tona whanautanga i te taenga mai o te rongo o Haora raua ko Honatana i Ietereere, na, ka mau tona kai hiki ki a ia, a rere ana: a i a ia e potatutatu ana ki te rere, na, ka taka iho ia, a totitoti ake, a, ko Mepipohete tona ingoa.
- 5
- Na, ka haere mai nga tama a Rimono Peeroti, a Rekapa raua ko Paana, a, haere mai ana i te mahanatanga o te ra ki te whare o Ihi-pohete, a, i te takoto ano ia i runga i te moenga i te poutumarotanga.
- 6
- Heoi, haere mai ana raua ki reira ki waenganui o te whare, ki ta raua, he tiki witi; na, patua iho ia ki te rima o nga rara, a, rere ana a Rekapa raua ko tona teina ko Paana.
- 7
- I haere hoki raua ki roto ki te whare, a, i te takoto tera i runga i tona moenga i tona whare moenga; na, patua ana ia e raua, whakamatea iho, na, tangohia ana tona upoko, a mauria atu tona upoko. Na, pau katoa taua po i a raua e haere ana na te ara o te mānia.
- 8
- Na kawea mai ana e raua te upoko o Ihi-pohete ki a Rawiri ki Heperona, a ka mea ki te kingi, Nana, te mātenga o Ihi-pohete tama a Haora, a tou hoa riri, i whai nei kia whakamatea koe! Na, kua mea nei a Ihowa i toku ariki i te kingi kia whai utu i tenei ra i a Haora ratou ko ona uri.
- 9
- Na, ko te whakahokinga mai a Rawiri ki a Rekapa raua ko tona teina ko Paana, ki nga tama a Rimono Peeroti, i mea ia ki a raua, E ora ana a Ihowa i whakaora nei i toku wairua i roto i nga he katoa,
- 10
- I te korerotanga mai a tetahi ki a au, i te meatanga mai, Nana, kua mate a Haora, (tohu noa ia he kai kawe mai ia i nga korero pai,) na, hopukia atu ana ia e ahau, patua iho ki Tikiraka. Ki tana ia, ka hoatu e ahau he utu mo tana korero.
- 11
- Tena ko tenei ka patu nei te hunga kino i te tangata tika i roto i tona whare, i runga ano i tona moenga, e kore ianei ahau e rapu i ona toto aianei i o korua ringa, e huna hoki i a korua i runga i te whenua?
- 12
- Na, whakahaua ana nga taitamariki e Rawiri, a, patua ana raua e ratou, tapahia ana hoki o raua ringa me o raua waewae, whakairihia ake ki runga i te poke wai i Heperona: ko te upoko ia o Ihi-pohete i tangohia e ratou, i tanumia ki roto ki te tanumanga o Apanere ki Heperona.
Address: 
Phone: 
Email: