- 1
- Na, e mea ana ahau kia mohio koutou ki te nui o taku uaua mo koutou, mo te hunga ano hoki o Raorikia, mo te hunga katoa ano hoki kahore nei i kite noa i toku mata i te kikokiko;
- 2
- Kia whakamarietia o ratou ngakau, kia honohonoa i runga i te aroha, kia taea ai nga taonga katoa o te ngakau mahara ina u, kia whakaae ai ki te mea ngaro a te Atua, ara a te Matua, a te Karaiti ano hoki;
- 3
- Kei roto i a ia nga taonga katoa o te mahara o te matauranga e hunā ana.
- 4
- Na, i korero ai ahau i tenei, kei kumea ketia koutou e te tangata ki nga kupu whakawai.
- 5
- No te mea ahakoa kei tawhiti toku kikokiko, kei a koutou na toku wairua, e hari ana e titiro ana ki ta koutou ritenga tika, ki te u ano hoki o to koutou whakapono ki a te Karaiti.
- 6
- Na, kua riro na te Ariki a Karaiti Ihu i a koutou, kia pena ano ta koutou haere i roto i a ia;
- 7
- He mea whai pakiaka, he whare e neke ake ana i runga i a ia, whakapumau rawa ki runga ki te whakapono; kia pera me koutou i whakaakona ra, kia hira rawa ta koutou ki tera me te whakawhetai ano.
- 8
- Kia tupato kei riro pārau koutou i ta te tangata whakaaro mohio, i te tinihanga hua kore, e rite nei ki te whakarerenga iho a nga tāngata, ki nga mea timatanga o te ao, a kahore ki a te Karaiti:
- 9
- Kei roto katoa hoki i a ia te tino o te Atua e noho a tinana ana.
- 10
- A kua tino tangata ano koutou i roto i a ia, ko te upoko nei ia o nga rangatiratanga o nga mana katoa;
- 11
- He mea kokoti koutou i roto i a ia, he kotinga kihai i meatia e te ringaringa, he unuhanga atu i te tinana o nga hara o te kikokiko, he meatanga na ta te Karaiti kotinga;
- 12
- He mea tanu tahi koutou me ia i te iriiringa, he mea whakaara ngatahi ano hoki me ia i reira, no te mea ka whakapono nei ki te mahi a te Atua, nāna nei ia i whakaara ake i te mate.
- 13
- He tupapaku ano hoki koutou i nga hē, i te kotinga-kore hoki o to koutou kikokiko, na, whakaorangia ngatahitia ana koutou me ia, he mea whakarere noa atu nāna a koutou hē katoa;
- 14
- Murua ake e ia nga tikanga i tuhituhia e te ringaringa, to tatou hoa riri i pehi nei i a tatou, tangohia ake e ia i waenganui, he mea titi nāna ki te ripeka;
- 15
- Pahuatia iho e ia nga rangatiratanga, nga mana, whakakitea nuitia ana e ia, waiho iho e ia taua ripeka hei mea whakataka māna i a ratou.
- 16
- Na, kaua tetahi e whakawa i a koutou mo te kai, mo te wai, mo nga meatanga ki te hakari, ki te kowhititanga marama, ki nga hapati;
- 17
- He atarangi enei no nga mea i kiia e puta mai ana i muri; no te Karaiti ia te tinana.
- 18
- Kei mamingatia koutou e te tangata e mea ana ki te whakai? i i a ia, ki te karakia ki nga anahera, e poka noa ana ki nga mea kahore nei ia i kite, e whakapehapeha noa ana, he mea na tona ngakau kikokiko;
- 19
- A kahore e mau ki te upoko, māna nei te tinana katoa, he mea atawhai, he mea tuhonohono e nga hononga e nga here, ka tupu ai, he tupu na te Atua.
- 20
- Na, ki te mea kua whakatupapaku ngatahi koutou ko te Karaiti ki nga mea timatanga o te ao, he aha koutou ka ahua ora ai ki te ao, ka pupuri tikanga ai,
- 21
- (Kei pa ringaringa koe; kei pa kai koe; kei rahurahu;
- 22
- Aua mea katoa hoki i te meatanga iho ano ka pirau;) rite tonu ena ki nga whakahaunga, ki nga akoranga a te tangata?
- 23
- Te ahua nei o aua mea, kei to te whakaaro nui he karakia pokanoa, he whakaiti i a ia ake, he atawhai kore i te tinana; kahore he whakahonore e makona ai te kikokiko.
Address: 
Phone: 
Email: