- 1
- A, tenei ano te manaakitanga i manaaki ai a Mohi, te tangata a te Atua i nga tamariki a Iharaira, i mua ake o tona matenga.
- 2
- Na, ka mea ia, I haere mai a Ihowa i Hinai, i uira mai hoki, me te ra, i Heira ki a ratou; a whiti mai ana ia i Maunga Parana, haere mai ana ano ia me nga mano tini o te hunga tapu: he ture ahi ano i tona ringa matau mo ratou.
- 3
- Ina, i aroha ano ia ki te iwi; kei roto i tou ringa ana tangata tapu katoa: a noho ana ratou i ou waewae; riro mai ana ano i a ratou o korero.
- 4
- Na Mohi te ture i ako iho ki a tatou, hei taonga tuku iho tuku iho mo te huihui o Hakopa.
- 5
- Ko ia ano te kingi o Tehuruna i te huihuinga o nga upoko o te iwi, ratou ko nga iwi o Iharaira.
- 6
- Kia ora a Reupena, kaua hoki e mate; kaua hoki e tokoouou ona tangata.
- 7
- A, tenei ano tana mo Hura: na, ka mea ia, Whakarongo, e Ihowa, ki te reo o Hura, mau ano hoki ia e kawe mai ki tona iwi: kia kaha hoki ona ringaringa ki ana meatanga; a, hei awhina koe mona ki ona hoa riri.
- 8
- Na, ka mea ia ki a Riwai, Hei tou tangata tapu o Tumime, me o Urimi, hei a ia i whakamatamatauria e koe ki Maha, i ngangautia hoki e koe ki nga wai o Meripa;
- 9
- I mea nei ki tona papa, raua ki tona whaea, Kahore ahau i kite i a ia; kihai ano hoki ia i mohio ki ona tuakana, kihai i matau ki ana tamariki: he mea hoki, e pupuri ana, ratou i tau kupu, e tiaki ana i to kawenata.
- 10
- Ma ratou a Hakopa e whakaako ki o whakaritenga, a Iharaira hoki ki o ture: ma ratou hoki te paowa kakara e hoatu ki tou ihu, me te tahunga tinana ano ki runga ki to aata.
- 11
- Manaakitia ona rawa, e Ihowa, kia aro mai hoki koe ki te mahi a ona ringa: whatiia nga hope o te hunga e whakatika mai ana ki a ia, o nga mea hoki e kino ana ki a ia, kei whakatika mai ratou.
- 12
- Ko tana kupu mo Peniamine, Ko ta Ihowa i aroha ai ka noho humarie ki tona taha; mana ia e uhi iho i te roa o te ra, a ka noho ano ia ki waenganui o ona pokohiwi.
- 13
- Ko tana kupu hoki mo Hohepa, He manaakitanga tona whenua na Ihowa ki nga mea papai o te rangi, ki te tomairangi, ki te wai hohonu hoki e takoto ake ana i raro,
- 14
- Ki nga hua papai a te ra, ki nga mea papai hoki e whakaputaina mai ana e te marama,
- 15
- Ki nga mea pai hoki o nga maunga onamata, ki nga mea pai o nga pukepuke tu tonu,
- 16
- Ki nga mea pai hoki o te whenua me ona tini mea; ki te manakohanga hoki ona i noho i te rakau: kia tae mai enei ki runga ki te mahunga o Hohepa, ki te tumuaki hoki ona i motuhia ketia i ona tuakana.
- 17
- Ko tona ahua pai rite tonu ki to tana puru matamua, ko ona haona kei nga haona o te unikanga: turakina ngatahitia atu ana e ia nga iwi ki aua mea, a, nga pito o te whenua: a, ko enei nga mano tini o Eperaima, ko enei hoki nga mano o Manahe.
- 18
- A ko tana kupu mo Hepuruna, Kia koa, e Hepuruna, i tou putanga ki waho; E Ihakara hoki, i ou teneti.
- 19
- Ma ratou nga iwi e karanga ki te maunga; ki reira ratou patu ai i nga patunga tika: ta te mea, ka ngote ratou i te raneatanga o nga moana, i nga taonga huna hoki o te onepu.
- 20
- Tana kupu hoki mo Kara, Ka manaakitia te kai whakanui i a Kara: noho ana ia me te raiona, haea iho hoki e ia te ringaringa, me te tumuaki.
- 21
- A tirohia iho e ia te wahi tuatahi mona; ta te mea, kei Taira, kei te wahi te kai whakahaere tikanga ia e tiakina ana; a haere mai ana me nga upoko o te iwi, a, oti ana i a ia, ratou tahi ko Iharaira, te tikanga a Ihowa, me ana whakariteritenga.
- 22
- A, tana kupu mo Rana, He kuao raiona a Rana: ka mokowhiti mai ia i Parana.
- 23
- A, tana kupu mo Napatari, E Napatari, e makona nei i te manakohanga, e ki ana hoki i te manaakitanga a Ihowa: nohoia e koe te taha ki te moana, me te tonga.
- 24
- A, ko tana kupu mo Ahera, Ko nga tamariki te manaakitanga mo Ahera; kia arongia mai ia e ona tuakana, kia toua hoki tona waewae ki te hinu.
- 25
- Ou hu, he rino, he parahi; a ka rite ano tou kaha ki ou rangi.
- 26
- Kahore he rite mo te Atua Iehuruna, e eke nei ki runga ki nga rangi, hei hoiho mai mona ki te whakauru i a koe, ki nga kapua hoki, me te whakakite ano i tona kororia.
- 27
- Hei rerenga atu mou te Atua ora tonu, kei raro iho hoki nga ringaringa o tua iho: a, mana e pei te hoa riri i tou aroaro, e mea, Whakangaromia,
- 28
- Na, ka noho humarire a Iharaira ko ia anake: te matapuna o Hakopa ki runga ki te whenua witi, waina; a ka maturuturu iho te tomairangi o ona rangi.
- 29
- Ka hari koe, e Iharaira: ko wai hei rite mou, e te iwi e whakaorangia nei e Ihowa, e te pukupuku hei whata-puru mou, ko to hoari hoki ia e whai kororia ai koe! a, ka patipati mai ou riri ki a koe; ko koe hoki ka takatakahi ki runga ki o ratou wahi teitei.
Address: 
Phone: 
Email: