- 1
- I te tekau o nga tau, i te tekau o nga marama, i te tekau ma rua o nga ra o te marama, ka puta mai te kupu a Ihowa ki a au; i mea ia,
- 2
- E te tama a te tangata, anga atu to mata ki a Parao kingi o Ihipa; poropititia he hē mona, mo Ihipa katoa ano hoki.
- 3
- Korero, mea atu, Ko te kupu tenei a te Ariki a Ihowa; Hei hoa riri tenei ahau mou, e Parao kingi o Ihipa, e te tarakona nui e takoto na i waenganui i ona awa; nana nei to kupu, Naku taku awa, naku ano i hanga hei mea maku.
- 4
- Otiia ka makā e ahau nga matau ki ou kauae, ka meinga ano e ahau nga ika o te awa kia piri ki o unahi, ka tangohia mai ano koe e ahau i waenganui o o awa, ka piri ano hoki nga ika katoa o o awa ki o unahi.
- 5
- Ka waiho ano koe e ahau, he mea kua makā atu ki te koraha, a koe me nga ika katoa o o awa, ka hinga koe ki runga ki te mata o te parae, e kore koe e kohikohia, e kore e whakaramemenetia: kua tukua atu koe e ahau hei kai ma te kirehe o te whenua, ma te manu o te rangi.
- 6
- A ka mohio nga tangata katoa o Ihipa ko ahau a Ihowa; he kakaho hoki ratou kua waiho nei hei tokotoko mo te whare o Iharaira.
- 7
- Te hopukanga atu a to ratou ringaringa i a koe, whati pu koe, haea ana e koe to ratou pokohiwi katoa: to ratou okiokinga ki runga ki a koe, whati pu koe, ho ake i a koe o ratou hope katoa.
- 8
- Mo reira ko te kupu tenei a te Ariki a Ihowa; Tenei au te kawe atu nei i te hoari ki runga ki a koe, ka hatepea atu ano e ahau te tangata me te kararehe i roto i a koe.
- 9
- Ka ururuatia ano hoki te whenua o Ihipa, ka tuheatia, a ka mohio ratou ko ahau a Ihowa: mona hoki i ki, Naku te awa, naku ano i hanga.
- 10
- Mo reira, hei hoa riri tenei ahau mou, mo o awa, ka meinga ano e ahau te whenua o Ihipa kia ururua rawa, kia tuheatia, te takotoranga atu i Mikiroro, a, Hiene, tae noa ki te rohe ki Etiopia.
- 11
- E kore tetahi waewae tangata e tika na reira, e kore ano te waewae kararehe e tika na reira, e wha tekau nga tau e kore ai a kona e nohoia.
- 12
- Ka meinga ano e ahau te whenua o Ihipa kia tuheatia i waenganui o nga whenua tuhea, me ona pa ano i roto i nga pa kua ururuatia, e wha tekau nga tau e tuheatia ai: ka whakamararatia ano e ahau nga Ihipiana ki roto ki nga iwi, ka titaritaria atu ano hoki ki nga whenua.
- 13
- Ko te kupu hoki tenei a te Ariki a Ihowa, I te mutunga o nga tau e wha tekau ka huihuia mai e ahau nga Ihipiana i roto i nga iwi i whakamararatia atu ai ratou.
- 14
- Ka whakatahuritia atu ano e ahau te whakaraunga o Ihipa, ka whakahokia mai ano ratou e ahau ki te whenua o Patoro, ki te whenua i tupu mai ai ratou, a hei kingitanga iti ratou ki reira.
- 15
- Ko te iti rawa ia i roto i nga kingitanga, e kore ano e neke ake i muri nei ki runga ake i nga iwi: maku hoki ratou e whakaiti, e kore ai ratou e whakahaere tikanga i roto i nga iwi.
- 16
- E kore ano e waiho hei whakawhirinakitanga mo te whare o Iharaira, hei whakamahara ki te he, i a ratou ka titiro atu nei ki a ratou; engari ka mohio ratou ko te Ariki ahau ko Ihowa.
- 17
- Na, i te rua tekau ma whitu o nga tau, i te tuatahi o nga marama, i te tuatahi o nga ra o te marama, ka puta mai te kupu a Ihowa ki a au; i mea ia,
- 18
- E te tama a te tangata, he nui te mahi i whakamahia ai tana ope e Nepukararetara kingi o Papurona ki Taira: pakira katoa nga mātenga, pahore katoa nga pokohiwi: kahore ano hoki he utu i a ia, ratou ko tana ope mo Taira, mo te mahi i mahi ai ia ki reira.
- 19
- Mo reira ko te kupu tenei a te Ariki a Ihowa; Nana, ka hoatu e ahau te whenua o Ihipa ki a Nepukararetara kingi o Papurona, a ka riro i a ia ona mano, ka pahuatia ona taonga; ka murua ano hoki ana mea, a ko tena hei utu ki tana ope.
- 20
- Kua hoatu e ahau te whenua o Ihipa ki a ia hei utu mo tana mahi i mahi ai ia ki reira; ta ratou hoki i mahi ai, he mea maku, e ai ta te Ariki ta Ihowa.
- 21
- I taua rangi ka meinga e ahau te haona o te whare o Iharaira kia wana, ka hoatu ano e ahau ki a koe he kuihitanga mo to mangai i waenganui i a ratou; a ka mohio ratou ko ahau a Ihowa.
Address: 
Phone: 
Email: