- 1
- Na, kahore he tamaiti a Aperama raua ko tana wahine, ko Harai; a he pononga wahine ano tana, no Ihipa, tona ingoa ko Hakara.
- 2
- Na, ka mea mai a Harai ki a Aperama, Nana, kua tutakina nei ahau e Ihowa kei whanau tamariki: na, mau e haere ki roto ki taku pononga; mana pea ahau e tu ai. A ka whakarongo a Aperama ki te reo o Harai.
- 3
- Na, ka tango a Harai wahine a Aperama i a Hakara, i te wahine o Ihipa, i tana pononga i te takanga o nga tau kotahi tekau o te nohoanga o Aperama i te whenua o Kanaana, a homai ana e ia ki a Aperama ki tana tane hei wahine mana.
- 4
- Na, ka haere ia ki roto ki a Hakara, a ka hapu ia: a, tona kitenga kua hapu ia, na, ka iti tona rangatira wahine ki tana titiro iho.
- 5
- Na, ka mea mai a Harai ki a Aperama, Hei runga i a koe toku tukinotanga pehi ai: I hoatu e ahau taku pononga wahine ki tou uma; a tona kitenga kua hapu ia, na, ka iti ahau ki tana titiro iho: ma Ihowa e whakariterite taku korero me tau hoki.
- 6
- Katahi ka mea a Aperama ki a Harai, Ha, kei tou ringa ano to pononga; mau e mea ki a ia te mea e pai ana ki tau titiro iho. Na, ka whakatupu-kino a Harai i a ia, a rere ana ia i tona aroaro.
- 7
- A ka tutaki te anahera o Ihowa ki a ia i tetahi puna wai i te koraha, i te puna i te huarahi ki Huru.
- 8
- A ka mea mai, E Hakara, e te pononga a Harai, i haere mai koe i hea? a e anga ana koe ko hea? a ka mea atu ia, E rere atu ana ahau i a Harai i toku rangatira.
- 9
- Na, ka mea atu te anahera o Ihowa ki a ia, Hoki atu ki tou rangatira, kia whakaririka hoki koe i raro i ona ringaringa.
- 10
- A ka mea mai ano te anahera a Ihowa ki a ia, Ka whakanuia rawatia e ahau tou uri, a e kore e taea te tatau, i te tini hoki.
- 11
- A i mea mai ano te anahera a Ihowa ki a ia, Nana, e hapu ana koe, a ka whanau he tamaiti, a me hua e koe tona ingoa ko Ihimaera; mo Ihowa i whaka rongo ki to tangi hanga.
- 12
- A hei tangata noho koraha ia; ka ngangare tona ringa ki nga tangata katoa, a ka ngangare te ringa o te katoa ki a ia; a ka noho ia i te aroaro o ona teina katoa.
- 13
- Na, ka karangatia e ia te ingoa o Ihowa i korero nei ki a ia, E kite mai ana koe e te Atua i a au: i mea hoki ia, I titiro atu ranei ahau i konei ki muri i toku kai titiro mai?
- 14
- Koia i huaina ai taua puna ko Peere-rahai-roi; na, kei waenganui i Karehe i Perere.
- 15
- Na, ka whanau ta Hakara tamaiti raua ko Aperama: a huaina ana e Aperama te ingoa o tana tamaiti, i whanau nei i a Hakara, ko Ihimaera.
- 16
- A e waru tekau ma ono nga tau o Aperama, i te whanautanga o Ihimaera o te tamaiti a Hakara raua ko Aperama.
Address: 
Phone: 
Email: