- 1
- I a iharaira he taitamariki, i aroha ahau ki a ia, a, karangatia ana e ahau taku tamaiti i Ihipa.
- 2
- Ta ratou mawehenga atu i a ratou rite tonu ki ta ratou karangatanga i a ratou: i patu whakahere ano ratou ki a Paarimi, i tahu whakakakara ano hoki ki nga whakapakoko.
- 3
- I whakaako ano ahau i a Eperaima ki te haere, me taku pupuri ano i o ratou ringaringa; heoi kihai ratou i mohio e rongoa ana ahau i a ratou.
- 4
- He taura tangata aku ki te kukume i a ratou, he here aroha: taku hoki ki a ratou rite tonu ki ta te hunga e tango ana i te ioka i runga i o ratou kauae, i whakanekehia atu ano e ahau he kai ki a ratou.
- 5
- E kore ia e hoki atu ki te whenua o Ihipa, engari ko te Ahiriana hei kingi mona, mo ratou kihai i pai ki te hoki.
- 6
- Ka haua iho te hoari ki runga ki ona pa, whakamoti ai i ona manga, a pau ake, he mea hoki na a ratou whakaaro i whakatakoto ai.
- 7
- Toku iwi ano hoki anga tonu ratou ki te tahuri ke atu i a au: ahakoa karangatia noatia ratou ki a te Runga-rawa, kihai ia i whakanekehia ake e tetahi o ratou.
- 8
- Me pehea koe ka hoatu ai e ahau, e Eperaima, me pehea ka tukua ai koe e ahau, e Iharaira? Me pehea ka meinga ai koe e ahau kia rite ki Arema? me pehea ka waiho ai koe kia rite ki Tepoimi? kua puta ke toku ngakau i roto i a au, ngiha tahi ano oku ripenetatanga.
- 9
- E kore taku riri e mura nei e whakaputaina atu e ahau, e kore ahau e hoki atu ki te whakangaro i a Eperaima: ko te Atua hoki ahau, ehara i te tangata, ko te Mea Tapu i waenganui i a koe: e kore ano ahau e tomo ki roto ki te pa.
- 10
- Ka whaia e ratou a Ihowa: ka rite tana hamama ki ta te raiona: ka hamama ia, ka wiri mai nga tamariki i te taha ki te hauauru.
- 11
- Ka rere wiri mai ratou i Ihipa ano he manu, i te whenua ano hoki o Ahiria ano he kukupa: ka whakanohoia ano hoki ratou e ahau ki o ratou whare, e ai ta Ihowa.
- 12
- Kua oti ahau te karapoti e Eperaima ki nga korero teka, e te whare o Iharaira ki te tinihanga: engari a Hura kei runga i ta te Atua tana whakahaere tikanga; kei te hunga tapu ia, pono tonu.
Address: 
Phone: 
Email: