- 1
- Kei koa koe, e Iharaira, kei whaka- manamana, kei pera me era atu iwi; kua whakarerea na hoki e koe to Atua, kua puremu, arohaina ana e koe te utu i runga i nga patunga witi katoa.
- 2
- E kore ratou e whangaia e te patunga witi, e te poka waina, ka tinihanga ano hoki tana waina hou.
- 3
- E kore ratou e noho ki te whenua o Ihowa; engari ka hoki a Eperaima ki Ihipa; he mea poke ano hoki ta ratou e kai ai ki Ahiria.
- 4
- E kore e ringitia e ratou te waina hei mea ki a Ihowa, e kore ano aua mea e arongia e ia; a ratou patunga tapu, te ritenga ki a ratou, hei te taro ma te hunga e tangi tupapaku ana; ka poke katoa te hunga e kai ana i taua mea: e kore hoki ta ratou taro, te mea mo to ratou wairua, e tae ki roto ki te whare o Ihowa.
- 5
- Ka pehea koutou i te rangi nui, i te ra o ta Ihowa hakari?
- 6
- No te mea, kua riro nei ratou, he mea na te whakangaromanga: ka whakaramemenetia ratou e Ihipa, ka tanumia ratou e Memepihi: nga wahi ahuareka o to ratou hiriwa ka riro i te ongaonga, ka tupu te tataramoa ki o ratou tapenakara.
- 7
- Kua tae mai nga ra o te tirotirohanga, kua tae mai nga ra whakautu; ka mohio a Iharaira: he wairangi te poropiti, he haurangi te tangata i te wairua, he nui hoki no to kino, he nui no te mauahara.
- 8
- Te kai tutei o Eperaima, i toku Atua ia; te poropiti he mahanga ia na te kai ahere manu i ona ara katoa, he mauahara i roto i te whare o tona Atua.
- 9
- Kua heke to ratou tupu, a aua noa iho ki raro, e rite ana ki nga ra i Kipea: ka mahara ia ki to ratou he, ka tirotirohia e ia o ratou hara.
- 10
- Me te mea he karepe i te koraha taku tutakitanga ki a Iharaira; toku kitenga i o koutou mātua me te mea ko te matamua o te piki i te mea katahi nei ka hua; heoi haere ana ratou ki a Paara-peoro, kua wehea atu ratou ki taua hanga whakama, a ratou mea whakarihariha ano hoki rite tonu ki ta ratou i aroha ai.
- 11
- A Eperaima, ka rere a manu atu to ratou kororia, i te whanautanga, i te kopu, i te whakahaputanga.
- 12
- Ahakoa whakatupu hoa ratou i ā ratou tamariki, ka whakatamarikikoretia ano ratou e au, a kore iho he tangata: ina aue te mate mo ratou ua mahue ratou i a au.
- 13
- A Eperaima, rite tonu ki taku kitenga i Taira, whakato rawa ki te wahi pai: ka kawea mai ana tamariki e Eperaima ki waho ki te kai kohuru.
- 14
- Hoatu ki a ratou, e Ihowa: ko te aha e hoatu e koe ki a ratou? hoatu ki a ratou he kopu whakatahe, he u waiu-kore.
- 15
- Kei Kirikara to ratou kino katoa; a kino iho ahau ki a ratou: ka he nei a ratou mahi, ka peia atu ratou e ahau i roto i toku whare; heoi ano oku arohatanga atu ki a ratou: he hunga whakakeke o ratou rangatira katoa.
- 16
- Kua patua a Eperaima, kua maroke to ratou pakiaka, kore ake o ratou hua: ae ra, ahakoa whanau noa ratou, ka mate ano i a au te mea e matenuitia ana, te hua o to ratou kopu.
- 17
- Ka whakaparahako toku Atua ki a ratou, mo ratou kihai i whakarongo ki a ia: ka kopikopiko ano hoki ratou i roto i nga tauiwi.
Address: 
Phone: 
Email: