- 1
- Aue, te whenua, taumarumaru tonu nei nga parirau, i tera taha o nga awa o Etiopia!
- 2
- Tana nei, he unga karere i runga i te moana, a, o ratou kaipuke i runga i nga wai, he kakaho: tana kupu, Haere, e te hunga tere, e nga karere, ki tetahi iwi he mea kukume kia roa, waru rawa, ki te iwi i wehingia i to ratou timatanga iho a mohoa noa nei; ki te iwi he mahi ruri nei, he takatakahi nei tana, tona whenua whakahaweatia iho e nga awa.
- 3
- E nga tangata katoa o te ao, e te hunga e noho ana i te whenua, titiro mai, ina whakaarahia e ia te kara ki runga ki nga maunga; whakarongo mai, ina whakatangihia e ia te tētere.
- 4
- Ko ta Ihowa kupu hoki tenei ki a au, Ka ata noho ahau, ka titiro atu ano hoki ki toku nohoanga; ka rite ahau ki te mahana i te mea ka mahea, ka rite ki te kapua tomairangi i te mahanatanga o te kotinga witi.
- 5
- E kore hoki e taea te kotinga witi; kia tino nui te kopuku, kia puta ke ano hoki te puawai he karepe e neke ake ana ki te maoa, na, ka hatepea atu e ia nga rārā ki te tapahi peka, ka tangohia ano hoki, ka tapahia nga manga.
- 6
- Ka waiho ngatahi ratou ma nga manu o nga maunga, ma nga kararehe o te whenua: ta te manu ano i te raumati ko ratou; ta nga kararehe katoa ano hoki o te whenua i te hotoke ko ratou.
- 7
- I taua wa ano ka maua mai he hakari ki a Ihowa o nga mano, he mea na te iwi i kumea kia roa, waru rawa, na te iwi i wehingia i to ratou timatanga iho, a mohoa noa nei, na te iwi he mahi ruri nei, he takatakahi nei tana, tona whenua whakahaweatia iho e nga awa, ki te wahi o te ingoa o Ihowa o nga mano ki Maunga Hiona.
Address: 
Phone: 
Email: