- 1
- Te mea i kitea e Ihaia tama a Amoho mo Hura raua ko Hiruharama.
- 2
- Na, tenei ake kei nga ra whakamutunga ka whakapumautia te maunga i to Ihowa whare ki te tihi o nga maunga, ka whakanekehia ake ano ki runga i nga pukepuke; a ka rere nga iwi katoa ki reira.
- 3
- Ka haere hoki nga iwi maha, ka mea, Haere mai, tatou ka haere ki runga ki te maunga o Ihowa, ki te whare o te Atua o Hakopa: kia whakaakona ai tatou e ia ki ona ara; ka haere hoki tatou i ona huarahi; no te mea ka puta mai te ture i Hiona, me te kupu a Ihowa i Hiruharama.
- 4
- Ka whakarite hoki ia i nga whakawa a nga iwi, ka riria ano e ia nga iwi maha: na ka patupatua e ratou a ratou hoari hei hea parau, a ratou tao hei tapahi manga; e kore tetahi iwi e hapai hoari ki tetahi iwi, heoi ano ta ratou ako ki te whawhai.
- 5
- E te whare o Hakopa, tena tatou ka haere i to Ihowa māramatanga.
- 6
- Kua whakarerea nei e koe tou iwi te whare o Hakopa, no te mea ka maha a ratou mea o te ita, a he tohunga maori ano ratou, he pera ano me nga Pirihitini, e ahuareka ana hoki ki nga tamariki a nga tangata ke.
- 7
- A, kī noa iho to ratou whenua i te hiriwa, i te koura, kahore hoki he mutunga o o ratou taonga: kapi tonu ano hoki to ratou whenua i te hoiho, kahore hoki he mutunga o o ratou hariata.
- 8
- Kī tonu ano hoki to ratou whenua i nga whakapakoko; e koropiko ana ratou ki te mahi a o ratou ringaringa, ki ta o ratou maihao i hanga ai.
- 9
- A, e koropiko ana te ware, e whakaiti ana hoki te tangata nui i a ia ano; mo reira kaua ratou e tohungia.
- 10
- Haere ki roto ki te kamaka, e piri ki te puehu, i te wehi ki a Ihowa, i te kororia o tona nui.
- 11
- Ka whakaititia nga kanohi whakapehapeha o te tangata, ka whakapikoa iho ano hoki te whakakake o nga tangata, a ko Ihowa anake e whakanuia i taua rangi.
- 12
- No te mea ka tae iho te ra o Ihowa o nga mano ki runga ki te hunga whakapehapeha, ki te hunga whakakake katoa, ki runga ano hoki i te hunga katoa kua neke ake, a ka whakaititia iho ratou:
- 13
- Ki nga hita katoa ano a Repanona kua tiketike, kua neke ake, ki nga oki katoa ano o Pahana.
- 14
- Ki nga maunga tiketike katoa, ki nga pukepuke katoa kua purero ki runga:
- 15
- Ki runga ano i nga pourewa tiketike katoa, ki nga taiepa kaha katoa ano hoki,
- 16
- Ki runga ano i nga kaipuke katoa o Tarahihi, ki runga ano i nga whakaahua katoa e minaminatia ana.
- 17
- A, e whakapikoa iho to te tangata whakapehapeha, e whakaititia iho ano hoki te whakakake o nga tangata, ko Ihowa anake hoki e whakanuia i taua rangi.
- 18
- Ka whakakahoretia rawatia ano hoki e ia nga whakapakoko.
- 19
- A, ka haere ratou ki nga ana o nga kamaka, ki nga rua o te whenua, i te wehi ki a Ihowa, i te kororia o tona nui, ina whakatika ia ki te whakawehi i te whenua.
- 20
- I taua rangi ano ka akiritia atu e te tangata ana whakapakoko hiriwa me ana whakapakoko koura i hangā nei e ia mana hei koropikotanga atu, ki nga kiore, ki nga pekapeka;
- 21
- Haere ai ki nga kapiti o nga kohatu, ki nga tihi o nga kamaka, i te wehi ki a Ihowa, i te kororia o tona nui, ina whakatika ia ki te whakawehi i te whenua.
- 22
- Kati ta koutou mea ki te tangata kei ona pongaponga nei tona manawa: kia pehea hoki te whakaaro ki a ia?
Address: 
Phone: 
Email: