- 1
- I taua rangi ka waiatatia tenei waiata i te whenua o Hura. He pa kaha to tatou; ka whakaritea e te Atua te whakaoranga hei taiepa, hei pekerangi.
- 2
- Whakatuwheratia nga kuwaha, kia tomo atu ai te iwi tika e pupuri ana i te pono.
- 3
- Te tangata e u ana tana whakaaro ki a koe ka mau, mau rawa i a koe i runga i te rangimarie; nona hoki i whakawhirinaki ki a koe.
- 4
- Whakawhirinaki atu kia Ihowa, a ake ake ake, no te mea kei a IHA, kei Ihowa, te kaha mau tonu.
- 5
- Ka whakahokia iho hoki e ia te hunga e noho ana i runga, te pa tiketike takoto rawa i a ia, takoto rawa ki runga ki te whenua, pa rawa ki te puehu:
- 6
- Takahia iho e te waewae, e nga waewae o nga rawa-kore, e nga takahanga o nga ware.
- 7
- Te huarahi o te tangata tika, tika tonu; e whakaaroa ana e koe, e te Mea tika, te ara o te tangata tika.
- 8
- Kei te ara nei ano matou o au whakaritenga whakawa, e tatari atu ana ki a koe, e Ihowa; ko tou ingoa ko te maharatanga atu ano ki a koe ta o matou wairua e minamina atu nei.
- 9
- Minamina tonu ahau, toku ngakau, ki a koe i te po; ae ra, ka moata ahau, toku wairua, ki te rapu i a koe; no te mea i nga wa e puta ai au whakaritenga whakawa ki te whenua, ka akona te tika e nga tangata o te ao.
- 10
- Atawhaitia iho te tangata kino, e kore ano ia e ako i te tika; i te whenua o te tika ka he ano tana mahi, e kore ano ia e titiro atu ki te nui o Ihowa.
- 11
- E Ihowa, ka ara tou ringa ki runga, e kore ratou e kite; otiia e kite ano ratou, a ka whakama mo to ratou hae ki te iwi, ko te ahi ano hoki a ou hoa riri hei kai i a ratou.
- 12
- Ka whakaritea e koe, e Ihowa, he rangimarie mo matou, nau nei hoki i mahi a matou mahi katoa ma matou.
- 13
- E Ihowa, e to matou Atua, o matou rangatira he ariki ke, ehara i te mea ko koe; mau anake ia matou ka mahara ai ki tou ingoa.
- 14
- Kua mate ratou, e kore ratou e ora; he tupapaku ratou, e kore ratou e maranga ki runga: na, kua tirohia nei ratou e koe, whakangaromia iho e koe, hunā katoatia ana e koe te maharatanga atu ki a ratou.
- 15
- Kua whakaraneatia e koe te iwi, e Ihowa, kua whakaraneatia e koe te iwi: kua whai kororia koe: nau hoki taua iwi i riro ai ki tawhiti ki nga pito katoa o te whenua.
- 16
- E Ihowa, i te rarunga i haereere ratou ki a koe, ringitia ana ta ratou inoi ki a koe i te mea e papaki ana koe i a ratou.
- 17
- Te wahine hapu, ka tata ia te whanau, whakamamae ana ia, aue ana ia i ona mamae; pera tonu matou i tou aroaro, e Ihowa.
- 18
- I hapu matou, i mamae matou, whanau ake, me te mea ko te hau, kihai i oti i a matou he whakaoranga i runga i te whenua; kihai ano i hinga nga tangata o te ao.
- 19
- Ka ora ou tangata mate, ka ara tahi ratou ko toku tinana mate. Maranga, waiata, e te hunga kei te puehu nei to koutou kāinga; no te mea, kei te tomairangi o nga otaota te rite o tou tomairangi; ka whanau ake ano nga tupapaku i te whenua.
- 20
- Haere, e toku iwi, tomo atu ki roto ki ou ruma, tutakina ano hoki ou tatau i muri i a koe; e piri, he wahi iti kau nei, kia pahemo ra ano te riri.
- 21
- No te mea tenei a Ihowa te puta mai nei i tona wahi ki te whiu i te he o te tangata o te whenua; ka whakakitea mai ano hoki ona toto e te whenua; e kore ano hoki e hipokina e ia i muri nei tona hunga i patua.
Address: 
Phone: 
Email: