- 1
- Aue te mate mo te hunga e haere ana ki raro ki Ihipa ki te tiki whakauru, e okioki atu ana ki nga hoiho, e whakawhirinaki atu ana ki nga hariata, no te mea he maha; ki nga kai eke hoiho ano hoki, no te mea e nui ana te kaha, a kahore e titiro atu ki te Mea Tapu o Iharaira, kahore hoki e rapu tikanga ki a Ihowa!
- 2
- Otiia he whakaaro nui ano ia, ka takina mai ano te kino e ia, e kore ano hoki ana kupu e puta ke: engari ka whakatika ia ki te whare o nga kai mahi o te kino, mo nga whakauru ano o te hunga e mahi ana i te he.
- 3
- Na, he tangata nei nga Ihipiana; ehara hoki i te Atua; he kikokiko ano hoki o ratou hoiho, ehara i te wairua. Te whakamarokanga mai o to Ihowa ringa, ka hinga te kai awhina, taka tonu atu te tangata e awhinatia ana, he iho ratou katoa.
- 4
- Ko ta Ihowa kupu hoki tenei ki a au, Ka rite ki te raiona, ki te kuao raiona e hamama ana ki tana tupapaku, i te mea ka karangarangatia nga hepara tokomaha ki a ia, kahore ona wehi ki to ratou reo, e kore ano ia e whakaririka ki to ratou ngangau: ka pera ano te haerenga iho o Ihowa o nga mano ki te whawhai, he whakaaro nana ki Maunga Hiona, ki to reira pukepuke ano hoki.
- 5
- Ka rite ki nga manu e rere ana ta Ihowa o nga mano tiaki i Hiruharama, ka tiakina, ka whakaorangia, ka tika atu ia na runga, ka araaraia e ia.
- 6
- Tahuri mai ki a ia; hohonu iho te tutu o nga tamariki a Iharaira ki a ia.
- 7
- I taua rangi hoki ka whakahawea te tangata ki ana whakapakoko hiriwa, ki ana whakapakoko koura, i hangā nei e o koutou ringaringa ma koutou hei hara.
- 8
- Ka hinga ano te Ahiriana, ehara i te tangata nana nei te hoari; ae ra, ehara i te tangata nana te hoari e kainga ai ia; ka rere atu ano ia i te mata o te hoari, a ngohengohe iho ana taitamariki.
- 9
- Ka mahue mai ano i a ia, tona teko i te wehi, ka mataku ano ona rangatira ki te kara, e ai ta Ihowa, kei Maunga Hiona nei tana ahi, kei Hiruharama tana oumu.
Address: 
Phone: 
Email: