- 1
- I te tau i mate ai a Kingi Utia i kite ano ahau i te Ariki e noho ana i runga i te torona, he tiketike, he mea whakaneke rawa ake ki runga, kī tonu ano hoki te temepara i te remu o tona.
- 2
- I runga nga herapima e tu ana, e ono nga parirau o tetahi, e ono nga parirau o tetahi, e rua hei hipoki i tona mata, e rua hei hipoki i ona waewae, e rua hei rere mana.
- 3
- A, i karanga mai ratou tetahi ki tetahi, i mea, He tapu, he tapu, he tapu, a Ihowa o nga mano, kī katoa te whenua i tona kororia.
- 4
- I oioi ano hoki nga pou o nga tatau i te reo o tera i karanga ra, kī tonu ano hoki te whare i te paowa.
- 5
- Na, ko taku kianga ake, Aue te mate moku; ka ngaro hoki ahau, he tangata ngutu poke hoki ahau, a e noho ana i waenganui i te iwi ngutu poke; kua kite nei hoki oku kanohi i te kingi, i a Ihowa o nga mano.
- 6
- Na, ko te rerenga mai o tetahi o nga herapima ki a au, i tona ringa ano tetahi waro mura, he mea tango ki te kokopi i runga i te aata.
- 7
- Whakapangia mai ana e ia ki toku mangai, me tana ki mai ano, Nana, kua pa tenei ki ou ngutu, na, kua riro tou he, kua murua tou hara.
- 8
- Na, ka rongo ahau i te reo o te Ariki e mea ana, Ko wai taku e unga atu ai, ko wai ta tatou hei haere? Ano ra ko ahau, Tenei ahau, ngarea ahau.
- 9
- Ano ra ko ia, Haere, mea atu ki tenei iwi, Rongo noa koutou, e kore e matau; titiro noa koutou, e kore e kite.
- 10
- Meinga te ngakau o tenei iwi kia ngako, o ratou taringa kia taimaha, whakamoea o ratou kanohi; kei kite o ratou kanohi, kei rongo o ratou taringa, kei matau o ratou ngakau, a ka tahuri, ka whakaorangia ano hoki e ahau.
- 11
- Ano ra ko ahau, E te Ariki, kia pehea te roa? Na, ko tana meatanga mai, Kia ururuatia ra ano nga pa, a kore noa he tangata hei noho, kia kore ra ano he tangata mo roto i nga whare, kia tino ururuatia rawatia ano hoki te whenua,
- 12
- Kia whakamataratia ra ano e Ihowa nga tangata, a ka nui te whakarerenga i waenganui i te whenua.
- 13
- Ka mau ano ia he whakatekau i roto i a ia, a ka tuaruatia ano ona kainga, ka rite ki te teiri, ki te oki, i te mea ka horo nga rau, a kei roto ano te uho i a raua, na, hei uho ano mona te uri tapu.
Address: 
Phone: 
Email: