- 1
- He rua to te hiriwa e puta mai ai, he wahi ano to te koura e whakarewaina ai.
- 2
- He mea tango te rino no roto i te whenua; no te kamaka te parahi, he mea whakarewa.
- 3
- E whakatakotoria ana e ia he mutunga mo te pouritanga, e rapua ana e ia nga tino tutukitanga atu, nga kohatu o te pouri, o te atarangi ano o te mate.
- 4
- E pakaru mai ana te awa i te taha o te tangata e noho ana; nga wai i wareware i te waewae, kua mimiti, kua rere atu i te tangata.
- 5
- Te whenua, e puta mai ana he taro i roto i a ia: a e hurihia ake ana a raro iho anō he ahi.
- 6
- Hei wahi mo nga hapira ona kohatu, he puehu koura ano hoki tona.
- 7
- He ara ano tena kahore ano i mohiotia e te manu, kiano i kitea e te kanohi o te whatura.
- 8
- Kahore nga kuao o te raiona kia takahi i taua ara, kahore hoki a reira e haerea e te raiona tutu.
- 9
- E pa atu ana tona ringa ki te kiripaka; hurihia ake ana e ia nga take o nga maunga.
- 10
- E tapahia ana e ia nga awa i roto i nga kamaka, a e kite ana tona kanohi i nga mea utu nui katoa.
- 11
- E herea ana e ia nga awa kei maturuturu, e whakaputa mai ana hoki i nga mea ngaro ki te māramatanga.
- 12
- E kitea ia ki hea te whakaaro nui? kei hea hoki te wahi o te matauranga?
- 13
- E kore te tangata e mohio ki ona utu, e kore ano taua hanga e kitea ki te whenua o te ara.
- 14
- E ki ake ana te rire, Kahore i a au; e ki mai ana ano te moana, Kahore i a au.
- 15
- E kore e hokona ki te koura, e kore ano hoki e taea te pauna te hiriwa hei utu mona.
- 16
- E kore e taea te whakarite ki te koura o Opira, ki te onika utu nui, ki te hapira.
- 17
- E kore e taea te whakarite ki te koura, ki te kohatu piata: e kore e hokona ki nga oko koura para-kore.
- 18
- E kore e whakahuatia nga mea nui rawa, nga peara ranei; hira ake hoki te utu o te whakaaro nui i to nga rupi.
- 19
- E kore te topaha o Etiopia e rite ki a ia, e kore te koura para-kore e tau hei utu.
- 20
- Ka haere mai ra i hea te whakaaro nui? kei hea hoki te wahi o te matauranga?
- 21
- He mea huna atu na hoki i nga kanohi o nga mea ora katoa, ngaro rawa i nga manu o te rangi.
- 22
- E ki ake ana te whakangaromanga rawa ko te mate, I rongo o maua taringa ki tona rongo.
- 23
- E mohio ana te Atua ki tona ara, kua kite ano ia i tona wahi.
- 24
- E titiro ana hoki ia ki nga pito o te whenua, e kite ana ia i nga mea i raro i te rangi, a puta noa.
- 25
- I a ia e mea ana i te whakataimaha mo te hau, e mehua ana i nga wai ki te mehua,
- 26
- I a ia e whakatakoto ana i te tikanga mo te ua, i te huarahi mo te uira o te whatitiri,
- 27
- Ka kitea e ia i reira, a whakapuakina mai ana; i hangā ano e ia kia pai, a ata whakaaroa mai ana e ia.
- 28
- I mea mai ano ia ki te tangata, Na, te wehi ki te Ariki, ko te whakaaro nui tena; ko te whakarere atu hoki i te kino te matauranga.
Address: 
Phone: 
Email: