- 1
- A i korero mai ano a Ihowa ki a Mohi, i mea,
- 2
- Korero atu ki nga tamariki a Iharaira, mea atu ki a ratou, Ki te whakamotuhaketia te mea i kiia taurangitia e te tangata, ma Ihowa nga tangata, me whakarite e koe ona moni.
- 3
- A kia penei tau whakaritenga mo te tane; E rua tekau ona tau, he maha ake ranei, a ono noa nga tekau o nga tau, kia rima tekau nga hekere hiriwa e whakaritea e koe, hei te hekere o te wahi tapu.
- 4
- A ki te mea he wahine, kia toru tekau nga hekere e whakaritea e koe.
- 5
- A ki te mea e rima ona tau, ki te mea ranei kei tai mai o te rua tekau ona tau, na, kia rua tekau nga hekere e whakaritea e koe mo te tane, kia tekau hoki nga hekere mo te wahine.
- 6
- A ki te mea kotahi tona marama, ki te mea ranei kei tai mai o te rima ona tau, na, kia rima nga hekere hiriwa e whakaritea e koe mo te tane, a kia toru nga hekere hiriwa e whakaritea e koe mo te wahine.
- 7
- A ki te mea e ono tekau ona tau, he maha atu ranei; ki te mea he tane, kia kotahi tekau ma rima nga hekere e whakaritea e koe, kia kotahi tekau hoki nga hekere mo te wahine.
- 8
- A ki te iti iho ona rawa i au i whakarite ai, na me tu ia ki te aroaro o te tohunga, a me whakarite ona utu e te tohunga: kei nga mea e taea atu e te ringa o te tangata nana te ki taurangi, te tikanga mo ta te tahunga e whakarite ai hei utu mona.
- 9
- A ki te mea he kararehe te mea no reira nei te whakahere e whakaherea ana e ratou ma Ihowa, ka tapu nga mea katoa e homai ana i roto i ena ma Ihowa.
- 10
- Kaua e whakaputaina ketia e ia, kaua hoki e whakawhitiwhitia he pai mo te kino, he kino ranei mo te pai: a ki te whakawhitiwhitia e ia tetahi kararehe ki tetahi kararehe, na, ka tapu raua ko te mea i whakawhitiwhitia mai.
- 11
- A ki te mea he poke te kararehe, he mea e kore e whakaherea tetahi pera ma Ihowa, na, ka whakaturia e ia te kararehe ki te aroaro o te tohunga:
- 12
- A me whakarite ona utu e te tohunga, ahakoa pai, ahakoa kino: me waiho i tau i whakarite ai, e te tohunga.
- 13
- Otiia ki te mea ake ia kia utua kia hoki ai, na, me tapiri mai e ia te wahi whakarima o taua mea ki au i whakarite ai.
- 14
- Ki te whakatapua ano hoki e te tangata tona whare kia tapu ki a Ihowa, na me whakarite ona utu e te tohunga, ahakoa pai, ahakoa kino: kia tuturu ki ta te tohunga i whakarite ai.
- 15
- A ki te mea te kai whakatapu kia utua kia hoki ai tona whare, na, me tapiri mai e ia taua mea ki te wahi whakarima o te moni i whakaritea e koe, a ka riro i a ia.
- 16
- A ki te whakatapua e te tangata mo Ihowa tetahi wahi mara o tona kāinga, na kia rite ki nga purapura mo reira tau whakaritenga utu: kotahi te homa parei hei purapura, kia rima tekau hekere hiriwa.
- 17
- Ki te mea no te tau iupiri tana whakatapunga i tana mara, ka tuturu ano ki tau utu i whakarite ai.
- 18
- Tena ko tenei, no muri i te iupiri tana whakatapunga i tana mara, na, me tatau nga moni e raua ko te tohunga; kia rite ki nga tau e toe ana ki te takiwa atu ki te tau iupiri, ka tango ai i roto i tau i whakarite ai.
- 19
- A ki te mea ake te kai whakatapu o te mara kia utua kia hoki atu ai, na, me tapiri mai e ia taua mea ki te wahi whakarima o te moni i whakaritea e koe, ka whakatuturutia mana.
- 20
- A ki te kahore ia e utu, kia hoki ai te mara, ki te mea ranei i hokona e ia te mara ki te tangata ke, e kore e utua kia hoki atu i muri iho.
- 21
- Engari ka tapu te mara ki a Ihowa, ina riro atu i te iupiri, he mara hoki i oti rawa mai; hei kāinga tena mo te tohunga.
- 22
- Ki te whakatapua ia e tetahi ki a Ihowa he mara i utua e ia, ehara nei i te mara tupu nana;
- 23
- Katahi ka taua e raua ko te tohunga nga utu i whakaritea e koe mo te takiwa atu ki te tau iupiri: a ka homai e ia tau i whakarite ai i taua rangi, he mea tapu hoki na Ihowa.
- 24
- Ko a te tau iupiri hoki ai te mara ki te tangata nana nei i hoko mai, ara, ki te tangata nona te tuturutanga o te whenua.
- 25
- Hei te hekere o te wahi tapu te tikanga, mo au whakaritenga katoatanga e rua tekau nga kera o te hekere kotahi.
- 26
- Ko te matamua ia o nga kararehe, na Ihowa ena matamua, kaua ena e whakatapua e te tangata; ahakoa kau, hipi ranei: na Ihowa ena.
- 27
- A ki te mea no nga kararehe poke, na, kia rite ki tau whakaritenga tana utu mo te whakahokinga atu; me tapiri ano hoki e ia taua mea ki tona wahi whakarima; a ki te kahore e utua, e whakahokia, na, me hoko; kia rite nga utu ki au i whakarite ai.
- 28
- Kaua ia e hokona, e utua ranei kia hoki atu te mea i oti rawa mai, i tukua putia mai e te tangata ki a Ihowa i roto i ona taonga katoa, te tangata ranei, te kararehe ranei, tana mara tupu ranei: he tino tapu ki a Ihowa nga mea katoa i oti mai.
- 29
- Ki te tukua putia mai tetahi tangata, he mea oti rawa mai e kore e utua, e whakahokia; me whakamate rawa.
- 30
- Me nga whakatekau katoa o te whenua, o te purapura o te whenua, o nga hua o te rakau, na Ihowa ena: e tapu ana ki a Ihowa.
- 31
- A ki te mea te tangata kia utua, kia hoki ai etahi o ana whakatekau, me tapiri mai e ia taua mea ki tetahi o ona wahi whakarima.
- 32
- A ko nga whakatekau katoa o nga kau, o nga hipi, o nga mea katoa e haere mai ana i raro i te tokotoko, ka tapu tena whakatekau ki a Ihowa.
- 33
- Kaua e tirohia iho e ia, wehe ai i te pai i te kino, kaua ano hoki e whakawhitiwhitia: a ki te whakawhitiwhitia e ia, na ka tapu taua mea me tona utu ano; e kore e utua kia hoki.
- 34
- Ko nga whakahaunga enei i whakahaua mai e Ihowa ki a Mohi ki Maunga Hinai, hei meatanga ma nga tamariki a Iharaira.
Address: 
Phone: 
Email: