- 1
- Na, ko te whakatikanga ake o Eriahipi, o te tino tohunga, ratou ko ona teina ko nga tohunga: kei te hanga ratou i te kuwaha hipi; whakatapua ana e ratou, whakaturia ana e ratou ona tatau tae noa ki te pourewa o Meaha, whakatapua ana e ratou tae noa ki te pourewa o Hananeere.
- 2
- I tona taha ko nga tangata o Heriko e hanga ana. I to ratou taha ko Takuru tama a Imiri.
- 3
- Na, te kuwaha ika, he mea hanga tera na nga tama a Hahenaa: na ratou i whakanoho ona rakau, i whakatu hoki ona tatau, ona raka, me ona tutaki.
- 4
- I to ratou taha kei te hanga ko Meremoto, tama a Uria, tama a Koto. I to ratou taha kei te hanga ko Mehurama tama a Perekia tama a Mehetapeere. I to ratou taha kei te hanga ko Haroko tama a Paana.
- 5
- I to ratou taha kei te hanga ko nga Tekoi. Kihai ia o ratou tangata nunui i tuku mai i o ratou kaki ki te mahi a to ratou Ariki.
- 6
- I hangā ano hoki te kuwaha tawhito e Ioiara tama a Pahea, raua ko Mehurama tama a Pehoreia: na raua ona rakau i whakanoho, na raua ano i whakatu ona tatau, me ona raka, me ona tutaki.
- 7
- I to raua taha kei te hanga ko Meratia Kipeoni, ko Tarono Meronoti, ko nga tangata o Kipeono, o Mitipa, tae noa ki te torona o te kawana o tenei taha o te awa.
- 8
- I tona taha kei te hanga ko Utiere tama a Harahaia, no nga kai mahi koura. I tona taha kei te hanga ko Hanania tama a tetahi kai whakaranu. Na, oti ake i a ratou a Hiruharama, tae noa ki te taiepa nui.
- 9
- I to ratou taha kei te hanga ko Repaia tama a Hura rangatira o te hawhe o nga wahi o Hiruharama.
- 10
- I to ratou taha kei te hanga ko Ieraia tama a Harumapa, a te ritenga atu ano o tona whare. I tona taha kei te hanga ko Hatuhu tama a Hahapania.
- 11
- Ko Marakia tama a Harimi, ko Hahupu tama a Pahata-moapa, kei te hanga i tera atu wahi, i te pourewa ano hoki i nga oumu.
- 12
- I tona taha kei te hanga ko Harumu tama a Harohehe rangatira o te hawhe o nga wahi o Hiruharama, a ia me ana tamahine.
- 13
- Te kuwaha o te raorao, he mea hanga na Hanunu ratou ko nga tangata o Tanoa. Na ratou i hanga, na ratou ano i whakatu ona tatau, ona raka, me ona tutaki, kotahi mano ano hoki nga whatianga o te taiepa, a tae noa ki te kuwaha paru.
- 14
- He mea hanga ia te kuwaha paru na Marakia tama a Rekapa, rangatira o tetahi wahi o Pete-hakereme: nana i hanga, nana ano i whakatu ona tatau, ona raka, me ona tutaki.
- 15
- Te kuwaha i te puna, he mea hanga tera na Harunu tama a Koro-hote rangatira o tetahi wahi o Mitipa; nana i hanga, nana ano i hipoki, nana i whakatu ona tatau, ona raka, ona tutaki, me te taiepa i te poka wai i Hiroa, i te taha o te kāri a te kingi, a tae noa ki nga kaupae e heke iho ana i te pa o Rawiri.
- 16
- I muri i a ia kei te hanga ko Nehemia tama a Atapuku, rangatira o te hawhe o nga wahi o Pete-turu, tae noa ki te ritenga atu o nga tanumanga o Rawiri, ki te poka wai i hangā, ki te whare ano hoki o te hunga nunui.
- 17
- I muri i a ia kei te hanga ko nga Riwaiti, ko Rehumu tama a Pani. I tona taha kei te hanga ko Hahapia rangatira o te hawhe o nga wahi o Keira, i tona wahi ano.
- 18
- I muri i a ia kei te hanga ko o ratou teina, ko Pawai tama a Henarara rangatira o te hawhe o nga wahi o Keira.
- 19
- I tona taha kei te hanga ko Etere tama a Hehua, rangatira o Mitipa, i tetahi atu wahi i te ritenga atu o te haerenga ki runga ki te takotoranga mea whawhai i te koki o te taiepa.
- 20
- I muri i a ia ko Paruku tama a Tapai, uaua rawa tona hanga i tetahi atu wahi, i te koki o te taiepa, a tae noa te tatau o te whare o Eriahipi, o te tino tohunga.
- 21
- I muri i a ia ka hanga ko Meremoto, tama a Uria, tama a Koto, i tetahi atu wahi, i te tatau atu ano o te whare o Eriahipi, a tae noa ki te pito o te whare o Eriahipi.
- 22
- I muri i a ia kei te hanga ko nga tohunga, ko nga tangata i te mānia.
- 23
- I muri i a ia kei te hanga ko Peniamine raua ko Hahupu, i te ritenga mai ano o to raua whare. I muri i a ia kei te hanga ko Ataria tama a Maaheia tama a Anania i te taha ano ki tona whare.
- 24
- I muri i a ia kei te hanga ko Pinui tama a Henarara i tetahi atu wahi, i te whare atu ano o Ataria, a tae noa ki te koki o te taiepa, ara, ki te pikonga atu.
- 25
- Ko Parara tama a Utai i te ritenga atu o te koki o te taiepa, o te pourewa ano hoki e purero mai ana ki waho i to runga whare o te kingi, i te taha o te marae o te whare herehere. I muri i a ia ko Peraia tama a Paroho.
- 26
- Ko nga Netinimi ano hoki i noho ra ki Opera, a tae noa ki te ritenga atu o te kuwaha wai, ki te taha ki te rawhiti, ki te pourewa ano hoki e purero mai ana ki waho.
- 27
- I muri i a ia kei te hanga ko nga Tekoi i tetahi atu wahi, i te ritenga mai ano o te pourewa nui e purero atu ana ki waho, a tae noa ki te taiepa o Opere.
- 28
- Ko to runga ake o te kuwaha hoiho ta nga tohunga i hanga ai, i te ritenga mai ano o te whare o tenei tangata, o tenei tangata.
- 29
- I muri i a ratou kei te hanga ko Haroko tama a Imere i te ritenga mai ano o tona whare. I muri ano hoki i a ia kei te hanga ko Hemaia tama a Hekania, kai tiaki o te kuwaha, ki te rawhiti.
- 30
- I muri i a ia, kei te hanga ko Hanania tama a Heremia, raua ko Hanunu ko te tama tuaono a Tarapa, i tetahi atu wahi. I muri i a ia kei te hanga ko Mehurama tama a Perekia i te ritenga atu ano o tona ruma.
- 31
- I muri i a ia kei te hanga ko Marakia tama a te kai mahi koura, a tae noa ki te wahi i nga Netinimi, i nga kai hokohoko, i te ritenga atu ano o te kuwaha Mipikara, ki te pikitanga atu ano hoki i te koki.
- 32
- Na, te takiwa o te pikitanga i te koki tae noa ki te kuwaha hipi, he mea hanga tera na nga kai mahi koura, na nga kai hokohoko.
Address: 
Phone: 
Email: