- 1
- A ko a te whitu o nga marama, ko a te ra tuatahi o te marama he huihuinga tapu ma koutou; kaua tetahi mahi a te kai mahi e mahia e koutou: hei ra whakatangi tetere tena ma koutou.
- 2
- Me tuku ano hoki e koutou he tahunga tinana hei kakara reka ki a Ihowa; kia kotahi puru, ki te kuao, kia kotahi hipi toa, kia whitu nga reme kotahi nei o ratou tau, ki nga mea koha-kore:
- 3
- A hei te paraoa i konatunatua ki te hinu he whakahere toto-kore mo aua mea; kia toru nga wahi whakatekau mo te puru, kia rua hoki nga wahi whakatekau mo te hipi,
- 4
- Me te wahi whakatekau hoki mo te reme kotahi, puta noa i nga reme e whitu.
- 5
- Kia kotahi ano hoki kuao koati hei whakahere hara, hei mea whakamarietanga mo koutou:
- 6
- Tena ano te tahunga tinana o te marama, me tona whakahere toto-kore, me te tahunga tinana o tenei ra o tenei ra, me tona whakahere toto-kore, me nga ringihanga o aua mea, kia rite ki nga ritenga o aua mea, hei kakara reka, hei whakahere ahi ki a Ihowa.
- 7
- A i te tekau o nga ra o tenei marama, o te whitu, he huihuinga tapu ma koutou; me whakapouri o koutou wairua: kaua tetahi mahi e mahia e koutou i reira:
- 8
- Engari me whakahere e koutou he tahunga tinana ki a Ihowa hei kakara reka; kia kotahi puru, ki te kuao, kia kotahi hipi toa, kia whitu hoki nga reme kotahi nei o ratou tau; hei nga mea koha-kore nga mea ma koutou:
- 9
- Hei te paraoa ano hoki i konatunatua ki te hinu te whakahere toto-kore mo aua mea, kia toru nga whakatekau mo te puru, kia rua hoki nga whakatekau mo te hipi kotahi,
- 10
- Hei te wahi whakatekau mo tenei reme mo tenei reme, puta noa i nga reme e whitu:
- 11
- Kia kotahi kuao koati hei whakahere hara; tena ano te whakahere hara hei whakamarietanga, ma te tahunga tinana tuturu, me tona whakahere toto-kore, me nga ringihanga o aua mea.
- 12
- A hei te tahi tekau ma rima o nga ra o te whitu o nga marama he huihuinga tapu ma koutou; kaua tetahi mahi a te kai mahi e mahia e koutou i reira, a kia whitu nga ra e mea hakari ai koutou ki a Ihowa:
- 13
- Me whakahere ano hoki e koutou he tahunga tinana he whakahere ahi, hei kakara reka ki a Ihowa; kia kotahi tekau ma toru nga puru, ki te kuao, kia rua nga hipi toa, kia kotahi tekau ma wha nga reme kotahi nei o ratou tau; hei nga mea koha-kore:
- 14
- Hei te paraoa ano hoki i konatunatua ki te hinu he whakahere toto-kore mo aua mea; kia toru nga wahi whakatekau ki tenei ki tenei o nga puru, puta noa i nga puru kotahi tekau ma toru, kia rua nga wahi whakatekau ki tenei ki tenei o nga hipi, ara, o nga hipi e rua,
- 15
- Me te wahi whakatekau ki tenei ki tenei o nga reme, puta noa i nga reme kotahi tekau ma wha:
- 16
- Me tetahi kuao koati hei whakahere hara; tera ano te tahunga tinana tuturu, tona whakahere toto-kore, me tona ringihanga.
- 17
- Me tuku hoki i te rua o nga ra nga puru kotahi tekau ma rua, ki te kuao, kia rua nga hipi toa, kia tekau ma wha nga reme, ki te tau-tahi, ki nga mea koha-kore:
- 18
- A ko nga whakahere toto-kore o aua mea, me o ratou ringihanga, ara, o nga puru, o nga hipi, o nga reme, kia rite ki te maha o aua mea, kia rite ki te ritenga:
- 19
- Kia kotahi ano hoki kuao koati hei whakahere hara; tera atu ano te tahunga tinana tuturu me tona whakahere toto-kore, me nga ringihanga o aua mea.
- 20
- Kia kotahi tekau ma tahi hoki nga puru i te toru o nga ra, kia rua nga hipi toa, kia tekau ma wha nga reme kotahi nei o ratou tau, ki nga mea koha-kore;
- 21
- A ko nga whakahere toto-kore o aua mea, me o ratou ringihanga, ara, o nga puru, o nga hipi, o nga reme, kia rite ki te maha o aua mea, kia rite ki te ritenga:
- 22
- Kia kotahi ano hoki koati hei whakahere hara; tera ano te whakahere hara tuturu, me tona whakahere toto-kore, me tona ringihanga.
- 23
- Kia tekau hoki nga puru i te wha o nga ra, kia rua hipi toa, kia tekau ma wha nga reme kotahi nei o ratou tau, ki nga mea koha-kore:
- 24
- Ko nga whakahere toto-kore o aua mea, me o ratou ringihanga, ara, o nga puru, o nga hipi, o nga reme, kia rite ki te maha o aua mea, kia rite ki te ritenga:
- 25
- Kia kotahi ano hoki kuao koati hei whakahere hara; tena ano te tahunga tinana tuturu, tona whakahere toto-kore, me tona ringihanga.
- 26
- Kia iwa hoki nga puru i te rima o nga ra, kia rua nga hipi toa, kia tekau ma wha nga reme kotahi nei te tau, ki nga mea koha-kore:
- 27
- A ko nga whakahere toto-kore o aua mea, me o ratou ringihanga, ara, o nga puru, o nga hipi, o nga reme, kia rite ki te maha o aua mea, kia rite ki te ritenga:
- 28
- Kia kotahi ano hoki koati hei whakahere hara; tera ano te tahunga tinana tuturu, me tona whakahere toto-kore, me tona ringihanga.
- 29
- A i te ono o nga ra kia waru nga puru, kia rua nga hipi toa, kia tekau ma wha nga reme kotahi nei te tau, ki nga mea koha-kore:
- 30
- A ko nga whakahere toto-kore o aua mea, me o ratou ringihanga, ara, o nga puru, o nga hipi, o nga reme, kia rite ki te maha o aua mea, kia rite ki te ritenga:
- 31
- Kia kotahi ano hoki koati hei whakahere hara: tera ano te tahunga tinana tuturu, tona whakahere toto-kore, me tona ringihanga.
- 32
- Kia whitu hoki nga puru i te whitu o nga ra, kia rua nga hipi toa, kia tekau ma wha nga reme kotahi nei te tau, ki nga mea koha-kore:
- 33
- A ko nga whakahere toto-kore o aua mea, me o ratou ringihanga, ara, o nga puru, o nga hipi, o nga reme, kia rite ki te maha o aua mea, kia rite ki te ritenga:
- 34
- Kia kotahi ano hoki koati hei whakahere hara; tera ano te tahunga tinana tuturu, tona whakahere toto-kore, me tona ringihanga.
- 35
- Hei te waru o nga ra he huihuinga nui ma koutou: kaua tetahi mahi a te kai mahi e mahia e koutou i reira.
- 36
- Engari me whakahere e koutou he tahunga tinana, he whakahere ahi, he kakara reka ki a Ihowa: kia kotahi puru, kia kotahi hipi toa, kia whitu nga reme kotahi nei to ratou tau, ki nga mea koha-kore:
- 37
- A ko nga whakahere toto-kore o aua mea, me o ratou ringihanga, ara, o te puru, o te hipi, o nga reme, kia rite ki te maha o aua mea, kia rite ki te ritenga:
- 38
- Kia kotahi ano hoki koati hei whakahere hara; tena ano te tahunga tinana tuturu, me tona whakahere toto-kore, me tona ringihanga.
- 39
- Ko enei a koutou e mea ai ki a Ihowa i a koutou hakari nui, hāunga a koutou ki taurangi, me a koutou whakahere tuku noa, a koutou tahunga tinana hoki, me a koutou whakahere toto-kore, a koutou ringihanga, me a koutou whakamarietanga.
- 40
- Na, ka korerotia e Mohi ki nga tamariki a Iharaira nga mea katoa i whakahau ai a Ihowa ki a Mohi.
Address: 
Phone: 
Email: