- 1
- Na Paora, na te herehere o Karaiti Ihu, na te teina hoki na Timoti, ki ta maua e aroha nei, ki to maua hoa mahi, ki a Pirimona,
- 2
- Ki a Apia hoki ki te wahine e arohaina ana, ki to maua hoa hoia ki a Arakipu, ki te hahi hoki i tou whare:
- 3
- Kia tau te aroha noa ki a koutou, me te rangimarie, he mea na te Atua na to tatou Matua, na te Ariki hoki na Ihu Karaiti.
- 4
- Tenei ahau te whakawhetai atu nei ki toku Atua, mau tonu taku mahara ki a koe i aku karakiatanga:
- 5
- He rongo noku ki tou aroha, ki tou whakapono, ki tou na ki te Ariki ki a Ihu, e hua na ki te hunga tapu katoa;
- 6
- Mo tou whakapono ka uru nei, kia whai mana, i te mea ka whakaaetia nei nga mea pai katoa o koutou, he mea ki a Karaiti Ihu.
- 7
- He nui hoki to matou koa, marie ana hoki te ngakau i tou aroha, no te mea e ora ana nga ngakau o te hunga tapu i a koe, e taku teina.
- 8
- No reira, ahakoa he nui taku maia ki te whakatakoto atu i te mea tika ki a koe,
- 9
- Erangi ko te aroha taku hei whakahau, ara taku nei ta te koroheke ta Paora, inaianei ra he herehere na Ihu Karaiti;
- 10
- He kupu tenei naku ki a koe mo taku tamaiti mo Onehimu, he mea whanau naku i ahau nei i te herehere:
- 11
- I mua kahore tetahi mea pai ana ki a koe; inaianei ia kua whai pai koe i a ia, ahau ano hoki:
- 12
- Kua whakahokia atu nei ia e ahau: manako mai ki a ia, ara ki toku ngakau ake;
- 13
- I mea ano ahau kia puritia ia ki ahau, hei whakakapi mou ki te mahi ki a au i roto i nga mekameka o te rongo pai:
- 14
- Otira ka kore nei tau kupu, kihai ahau i pai kia meatia tetahi mea; kei riro whakauaua mai tou pai, engari i roto ano i te ngakau.
- 15
- Ko te mea ano pea tenei i motuhia mai ai ia mo tetahi wa, kia mau pu ai ia i a koe, ake ake ake;
- 16
- Ehara i te mea hei pononga ia i enei wa, engari tera atu i te pononga, he teina i nui rawa ai toku aroha, nui rawa atu ia tou, to te kikokiko, tera hoki i te Ariki.
- 17
- Na, ki te mea kua waiho ahau hei hoa mou, manako mai ki a ia me te mea ko ahau.
- 18
- Na, ki te mea kua hē ia ki tetahi mea au, tera ranei tetahi mea au kei a ia, waiho mai maku tena e whakaaro;
- 19
- He tuhituhi tenei naku na Paora no toku ringaringa ake, maku e whakautu; na, kahore aku meatanga atu ki a koe, tera ano taku taonga kei a koe, ko koe ano.
- 20
- Ae ra, e taku teina, kia whai pai ahau i a koe i roto i te Ariki: kia ora toku ngakau i roto i te Ariki.
- 21
- He u no toku whakaaro ki a koe ka ngohengohe, i tuhituhi atu ai ahau ki a koe, e mohio ana hoki tera e nui atu tau e mea ai i taku e korero atu nei.
- 22
- Tenei ano hoki, kia rite mai i a koe tetahi whare moku: e mea ana hoki ahau tera e mana a koutou inoi, a ka tukua atu ahau ki a koutou.
- 23
- Tenei te oha atu nei ki a koe a Epapara, toku hoa herehere i roto i a Karaiti Ihu;
- 24
- Ratou ko Maka, ko Aritaku, ko Rimaha, ko Ruka, oku hoa mahi.
- 25
- Kia tau te aroha noa o to tatou Ariki o Ihu Karaiti ki o koutou wairua. Amine.
Address: 
Phone: 
Email: