- 1
- (Ki te tino kai whakatangi. Na Rawiri.) Ko Ihowa taku e whakawhirinaki ai: he aha koutou ka mea ai ki toku wairua, Rere a manu atu ki to koutou maunga?
- 2
- Nana, kua whakapikoa te kopere e te hunga kino, e whakatikaia ana a ratou pere ki te aho, hei perenga pukutanga atu ma ratou ki te hunga ngakau tika.
- 3
- Ki te wawahia nga turanga ake, me pehea te tangata tika?
- 4
- Kei tona temepara tapu a Ihowa, kei te rangi ano te torona a Ihowa: e titiro ana ona kanohi, e whakamatautau ana ona kamo i nga tamariki a te tangata.
- 5
- E whakamatautau ana a Ihowa i te tangata tika: a e kinongia ana e tona wairua te tangata kino me te tangata e aroha ana ki te tutu.
- 6
- Ka uaina e ia ki runga ki te hunga kino he mahanga, he ahi, he whanariki, me te awha tuaikerekere: ko te wahi tena mo to ratou kapa.
- 7
- No te mea hoki he tika a Ihowa, a e aroha ana ki te tika; e titiro mai ana ona kanohi ki te tangata tika.
Address: 
Phone: 
Email: