- 1
- Whakamoemititia a Ihowa. Ka hari te tangata e wehi ana i a Ihowa, e aro nui ana ki ana whakahaunga.
- 2
- E nui ona uri ki runga ki te whenua; ka manaakitia te whakatupuranga o te hunga tika.
- 3
- Ka whai rawa, ka whai taonga tona whare: ka pumau tonu ano tana tika ake ake.
- 4
- Ka kokiri ake te māramatanga i roto i te pouri ki te hunga tika: he atawhai ia, he aroha, he tika.
- 5
- He atawhai te tangata pai, he ohaoha: ka u ana kupu i te whakawakanga.
- 6
- He pono e kore ia e ngaueue ake ake: ka maharatia tonutia te tangata tika ake ake.
- 7
- E kore ia e mataku i te rongo kino: e u tonu ana tona ngakau, e whakawhirinaki ana ki a Ihowa.
- 8
- Ka u tona ngakau, e kore ia e wehi, kia titiro ra ano ia ki ona hoa riri.
- 9
- Kua tuwha e ia, kua hoatu ki te hunga rawa-kore: e pumau tonu ana tona tika ake ake; ka ara tona haona i runga i te kororia.
- 10
- Ka kite te tangata kino, a ka pouri; ka pakiri ona niho, a ka memeha atu ia: to te hunga kino hiahia he kore.
Address: 
Phone: 
Email: