- 1
- E aroha ana ahau ki a Ihowa: mona i whakarongo mai ki toku reo, ki aku inoi.
- 2
- I tahuri mai tona taringa ki a au: mo reira ka karanga ahau ki a ia i a au nei i te ora.
- 3
- I karapotia ahau e nga whakawiringa a te mate: mau pu ahau i nga mamae o te reinga.
- 4
- I kite ahau i te pawera, i te pouri; na, ko taku karangatanga atu ki te ingoa o Ihowa; Tena ra, e Ihowa, whakaorangia toku wairua.
- 5
- He atawhai ta Ihowa, he tika: ae, he aroha to tatou Atua.
- 6
- E tiakina ana e Ihowa te hunga kuare: i whakaititia iho ahau, a nana ahau i whakaora.
- 7
- Hoki atu, e toku wairua, ki tou okiokinga; kua atawhaitia hoki koe e Ihowa.
- 8
- Nau hoki toku wairua i whakaora kei mate, oku kanohi kei whai roimata, oku waewae kei paheke.
- 9
- Tera au e haereere ki te aroaro o Ihowa i te whenua o te ora.
- 10
- I whakapono ahau, koia ahau i korero ai: i nui toku whakawhiunga.
- 11
- I mea ahau i taku potatutatunga: He teka kau nga tangata katoa.
- 12
- He aha taku e whakahoki atu ai ki a Ihowa mo ana atawhainga katoa ki a au?
- 13
- Ka mau ahau ki te kapa o te whakaoranga, ka karanga hoki ki te ingoa o Ihowa.
- 14
- Ka whakamanā e ahau aku kupu taurangi ki a Ihowa i te aroaro o tona iwi katoa.
- 15
- He mea utu nui ki ta Ihowa titiro te matenga o tona hunga tapu.
- 16
- E Ihowa, he pono ko ahau to pononga, ko ahau ano to pononga, ko te tamaiti a to pononga wahine; nau i wewete oku here.
- 17
- Ka tukua atu e ahau te patunga tapu, ara, te whakawhetai: ka karanga ano ki te ingoa o Ihowa.
- 18
- Ka whakamanā e ahau aku kupu taurangi ki a Ihowa ki te aroaro o tona iwi katoa,
- 19
- Ki nga marae o te whare o Ihowa, ki waenganui ou, e Hiruharama. Whakamoemititia a Ihowa.
Address: 
Phone: 
Email: