- 1
- (Ki te tino kai whakatangi. He himene na Rawiri.) Whakaorangia ahau, e Ihowa, i te tangata kino: araia atu i a au te tangata tutu.
- 2
- E whakaaro kino nei i o ratou ngakau: e whakamine ana ki te whawhai i nga ra katoa.
- 3
- Kua whakakoia o ratou arero, ano he nakahi: kei raro iho i o ratou ngutu te wai whakamate o nga neke. Hera.
- 4
- Tiakina ahau, e Ihowa, i nga ringaringa o te hunga kino: araia atu i a au te tangata tutu kua mea nei kia turakina aku hikoinga.
- 5
- Kua hunā te mahanga, me nga aho moku e te hunga whakakake; kua horahia e ratou he kupenga ki te taha o te ara: kua whakapikoa e ratou he rore moku.
- 6
- I mea ahau ki a Ihowa, Ko koe toku Atua: whakarongo, e Ihowa, ki toku reo inoi.
- 7
- E Ihowa, e te Ariki, e te kaha o toku whakaoranga, nau i hipoki toku upoko i te ra o te tatauranga.
- 8
- Aua e whakaaetia, e Ihowa, nga hiahia o te tangata kino: kei taea tana whakaaro; kei whakakake ratou. Hera.
- 9
- Na, te mahunga o te hunga e whakapae nei i a au, kia hipokina ratou e te kino o o ratou ngutu.
- 10
- Kia taka iho nga waro mura ki runga ki a ratou: kia pangā ratou ki te ahi; ki roto ki nga poka hohonu, kei whakatika ake ano ratou.
- 11
- Kei whakapumautia ki runga ki te whenua te tangata korero kino: ma te kino e whai te tangata tutu, a ngaro noa.
- 12
- E matau ana ano ahau ma Ihowa e tohe te whakawa a te tangata e tukinotia ana, te mea e rite ana ma nga rawa-kore.
- 13
- He pono ka whakawhetai te hunga pai ki tou ingoa: ka noho te hunga tika ki tou aroaro.
Address: 
Phone: 
Email: