- 1
- (Ki te tino kai whakatangi, ko Ara-takiti. He Mikitama. Na Rawiri.) He korero pono ano ranei ta koutou e te whakaminenga? e tika ana ranei ta koutou whakarite whakawa, e nga tamariki a te tangata?
- 2
- He pono, e mahia ana e koutou te hara i roto i te ngakau, e paunatia ana e koutou te tutū a o koutou ringaringa i runga i te whenua.
- 3
- Ka whakatangatakētia te hunga hara no te kopu mai ano; whanau kau mai ratou kua kotiti ke, kua korero teka.
- 4
- E rite ana ta ratou riri ki te riri a te nakahi, e rite ana ki te neke turi e puru nei i tona taringa;
- 5
- E kore nei e whakarongo ki te reo o te kai whakawai, ahakoa tino matau ia ki te whakawai.
- 6
- Whatiia, e te Atua, o ratou niho i roto i o ratou mangai: kowhakia, e Ihowa, nga niho nunui o nga kuao raiona.
- 7
- Kia mimiti ratou, ano he wai e heke atu ana: ka whakatikaia ana pere, kia rite ki te mea kua poutoa.
- 8
- Kia whakakahoretia ratou, ano he ngata e memeha nei: kia rite ratou ki te mea mate roto a te wahine, kaua ano ratou e kite i te ra.
- 9
- E kore e tukua kia rongo a koutou kohua i nga tataramoa: ka kahakina ratou e ia i roto i te awhiowhio, te mea kaiota, te mea e wera ana.
- 10
- Ka hari te tangata tika ua kite ia i te utu: ka horoia e ia ona waewae ki nga toto o te tangata hara.
- 11
- A ka mea te tangata, Koia rawa ano, ka whai utu te tangata tika: ina he Atua ano tenei e whakarite whakawa ana mo te whenua.
Address: 
Phone: 
Email: