- 1
- (Ki te tino kai whakatangi. He mea Huhana-erutu. He Mikitama, na Rawiri, hei whakaako. No tana whawhaitanga ki Mehopotamia, ki nga Hiriani ano o Topa. Na, hoki ana a Ioapa, a patua ana e ia a Eroma ki te raorao tote, kotahi tekau ma rua nga mano.) E te Atua, kua pangā matou e koe, kua oti matou te whakamarara e koe, kua riri koe; tahuri mai ano ki a matou.
- 2
- Wiri ana te whenua i a koe; kua ngatata i a koe: whakakapia ona wahi pakaru; e ru ana hoki.
- 3
- He mea pakeke kua whakakitea mai e koe ki to iwi, kua oti matou te whakainu e koe ki te waina e wiri ai.
- 4
- Kua homai e koe he kara ki te hunga e wehi ana i a koe: kia whakakitea hei mea mo te pono; Hera.
- 5
- Hei mea e mawhiti ai tau e aroha ai: whakaorangia ki tou ringaringa matau, whakahokia mai hoki he kupu ki ahau.
- 6
- Kua korero te Atua i runga i tona tapu; ka hari ahau, ka kotikoti i Hekeme, ka roherohe hoki i Raorao Hukoto.
- 7
- Noku Kireara, noku ano a Manahe, ko Eperaima ano hoki te kaha o toku mātenga; ko Hura taku kai whakatakoto ture;
- 8
- Ko Moapa toku oko horoi; ka makā e au taku hu ki runga ki Eroma: e Pirihitia, kia whakamanamana mai koe ki a au.
- 9
- Ma wai ahau e kawe atu ki roto ki te pa kaha? ma wai ahau e arahi atu ki roto ki Eroma?
- 10
- E kore oti ranei koe, e te Atua? kua pangā nei hoki matou e koe: kahore ano hoki koe, e te Atua, e haere tahi atu me a matou taua?
- 11
- Homai ki a matou he awhina kei mate; he teka noa hoki te whakaoranga a te tangata.
- 12
- Ma te Atua tatou ka toa ai: mana hoki e takahi ki raro o tatou hoa whawhai.
Address: 
Phone: 
Email: