- 1
- Waiatatia he waiata hou ki a Ihowa: waiata atu, e te whenua katoa, ki a Ihowa.
- 2
- Waiata atu ki a Ihowa, whakapaingia tona ingoa: whakakitea atu tana whakaoranga i tenei ra, i tenei ra.
- 3
- Whakapuakina tana kororia i waenganui i nga tauiwi, ana mahi whakamiharo i waenganui i nga iwi katoa.
- 4
- E nui ana hoki a Ihowa, a e tika ana kia nui te whakamoemiti ki a ia: kia wehingia nuitia atu ia i nga atua katoa.
- 5
- He whakapakoko hoki nga atua katoa a nga iwi: na Ihowa ia i hanga nga rangi.
- 6
- He honore, he kororia kei tona aroaro: kei tana wahi tapu te kaha me te ataahuatanga.
- 7
- Waiho atu i a Ihowa, e nga hapu katoa o nga iwi: waiho atu i a Ihowa te kororia me te kaha.
- 8
- Waiho atu i a Ihowa te kororia e tika ana mo tona ingoa: maua mai he whakahere, haere mai hoki ki ona marae.
- 9
- Koropiko atu ki a Ihowa i roto i te ataahuatanga o te tapu: kia wehi ra ki tona aroaro, e te whenua katoa.
- 10
- Mea atu i waenganui o nga tauiwi, e kingi ana a Ihowa: ka whakaukia ano hoki te whenua, tē taea te whakangaueue; ka tika tana whakarite whakawa mo nga iwi.
- 11
- Kia hari nga rangi, kia koa ano hoki te whenua, kia haruru te moana, me nga mea e hua ana i roto.
- 12
- Kia hari te mara, me nga mea katoa i runga: ko reira ano koa ai nga rakau katoa o te ngahere ki te aroaro o Ihowa.
- 13
- E haere mai ana hoki ia, e haere mai ana hoki ia ki te whakarite whakawa mo te whenua: ka whakarite whakawa ia mo te ao i runga i te tika, mo nga iwi hoki i runga i tana pono.
Address: 
Phone: 
Email: