- 1
- Ko koe ia, korerotia nga mea e rite ana ki to te whakaakoranga ora:
- 2
- Nga kaumatua kia mahara, kia ahua kaumatua, kia whai whakaaro, kia ora te whakapono, te aroha, te manawanui.
- 3
- Me nga wāhine kaumatua ano hoki, kia rite nga tikanga ki a te hunga e whakaaro ana ki te tapu, kia kaua e ngautuara, kia kaua e riro hei pononga ma te waina nui, kia whakaako i nga mea pai;
- 4
- Kia meinga e ratou nga wāhine taitamariki kia whai whakaaro, kia aroha ki nga tāne, kia aroha ki nga tamariki,
- 5
- Kia whai whakaaro, kia hē kore, kia noho ki o ratou whare, kia pai, kia ngohengohe ki a ratou tāne, kei korerotia kinotia te kupu a te Atua.
- 6
- Me whakahau atu hoki nga taitamariki kia whai whakaaro:
- 7
- I nga mea katoa kia kitea koe he tauira mo nga mahi pai; tou hē kore ki te whakaako, tou ahua kaumatua, tou kino kore,
- 8
- Kia ora te kupu kei taea te whakahe; kia whakama ai te tangata tikanga ke, tē ai he kino e korerotia kinotia ai koutou e ia.
- 9
- Ko nga pononga kia ngohengohe ki o ratou rangatira, kia whakamanawarekatia ratou i nga mea katoa; kaua e whakahoki kupu;
- 10
- Kaua e kaia, engari kia kitea he pai he nui to ratou pono; kia ai ratou i nga mea katoa hei whakapaipai i te whakaakoranga a te Atua a to tatou Kai whakaora.
- 11
- Kua puta mai hoki te aroha noa o te Atua e ora ai nga tāngata katoa,
- 12
- Hei whakaako i a tatou, kia whakakahoretia e tatou te karakia kore, me nga hiahia o te ao, kia noho whakaaro tatou, i runga ano i te tika, i te karakia pai, i tenei ao;
- 13
- Me te tatari atu ano ki te mea whakahari e tumanakohia atu nei, ki te putanga kororia mai ano hoki o te Atua nui, o to tatou Kai whakaora ano hoki o Ihu Karaiti;
- 14
- I hoatu nei i a ia mo tatou, hei hoko i a tatou i roto i nga kino katoa, hei whakama hoki i a tatou hei iwi mona ake ano, e ngakau nui ana ki nga mahi pai.
- 15
- Korerotia enei mea, whakahaua; kia nui tou maia ki te riri i te hē. Kei whakahawea tetahi ki a koe.
Address: 
Phone: 
Email: