- 1
- Na, nga wehenga o nga kai tiaki kuwaha; No nga Korohi a Meheremia tama a Kore, no nga tama a Ahapa.
- 2
- A, nga tama a Meheremia, ko Hakaraia te matamua, ko Teriaere te tuarua, ko Teparia te tuatoru, ko Iataniere te tuawha,
- 3
- Ko Erama te tuarima, ko Iehohanana te tuaono, ko Erioenai te tuawhitu.
- 4
- Nga tama ano hoki a Opere-eroma; ko Hemaia te matamua, ko Iehotapara te tuarua, ko Ioaha te tuatoru, ko Hakara te tuawha, ko Netaneere te tuarima,
- 5
- Ko Amiere te tuaono, ko Ihakara te tuawhitu, ko Peurutai te tuawaru; he mea manaaki hoki ia na Ihowa.
- 6
- A, i whanau ano he tamariki ma tana tama ma Hemaia, ko ratou he rangatira mo te whare o to ratou pāpā: he hunga marohirohi hoki ratou, he toa.
- 7
- Nga tama a Hemaia; ko Otoni, ko Repaere, ko Opere, ko Eretapara; he hunga marohirohi ano o ratou teina a Erihu raua ko Hemakia.
- 8
- Enei katoa o nga tama a Opere-eroma, ratou ko a ratou tamariki, ko o ratou teina, he kaha ki te mahi, e ono tekau ma rua; na Opere-eroma.
- 9
- Na, he tama ano a Meheremia, he teina, he hunga marohirohi, kotahi tekau ma waru.
- 10
- He tamariki ano a Hoha o nga tamariki a Merari; Ko Himiri te upoko, (ahakoa ehara ia i te matamua, i meinga ano ia hei upoko e tona pāpā;)
- 11
- Ko Hirikia te tuarua, ko Teparia te tuatoru, ko Hakaraia te tuawha. Nga tama katoa, me nga teina o Hoha, kotahi tekau ma toru.
- 12
- I roto i enei nga wehenga o nga kai tiaki kuwaha, ara, i roto i nga tino tangata, tenei tiakanga i te ritenga mai o tenei tiakanga, hei minita i roto i te whare o Ihowa.
- 13
- I maka rota ano ratou, te iti, te rahi, he mea i rite ki te whare o o ratou mātua, mo tenei kuwaha, mo tenei kuwaha.
- 14
- Na, i taka mai te rota mo te taha ki te rawhiti ki a Heremia. Katahi ka makā e ratou te rota a tana tama a Hakaraia, he tangata mohio ia ki te whakatakoto whakaaro, a, ko te rota mo te taha ki te nota i puta ake mana.
- 15
- Ki a Opere-eroma te taha ki te tonga; a, ki ana tama ko te whare huihui.
- 16
- Ki a Tupimi raua ko Hoha te taha ki te hauauru, me te kuwaha Harekete, i te huarahi e piki atu ai, tenei tiakanga i te ritenga mai o tenei tiakanga.
- 17
- Tokoono nga Riwaiti i te taha ki te rawhiti, tokowha i te taha ki te nota i tenei ra, i tenei ra, tokowha i te taha ki te tonga i tenei ra, i tenei ra, a, ki te whare huihui tokorua, tokorua.
- 18
- I Parapara i te taha ki te hauauru, tokowha ki te huarahi, tokorua ki Parapara.
- 19
- Ko nga wehenga enei o nga kai tiaki kuwaha i roto i nga tamariki a Kore, i nga tamariki ano a Merari.
- 20
- Na, o nga Riwaiti, ko Ahia ki nga taonga o te whare o Ihowa, ki nga taonga hoki kua oti te whakatapu.
- 21
- Nga tamariki a Raarana; nga tamariki a Raarana Kerehoni, nga tino mātua, ara, o Raarana Kerehoni, ko Tehieri.
- 22
- Nga tamariki a Tehieri; ko Tetama, ko tona teina ko Hoere, ki a ratou nei nga taonga o te whare o Ihowa.
- 23
- No nga Amarami enei, ratou ko nga Itihari, ko nga Heperoni, ko nga Utieri.
- 24
- Na, ko Hepuere tama a Kerehoma tama a Mohi te rangatira mo nga taonga.
- 25
- A, ona teina i te taha ki a Erietere; ko tana tama ko Rehapia, ko tana tama ko Ihaia, ko tana tama ko Iorama, ko tana tama ko Tikiri, ko tana tama ko Heromiti.
- 26
- Ko tenei Heromiti, ratou ko ona teina, nga rangatira mo nga taonga katoa, mo nga mea i whakatapua, i whakatapua nei e Kingi Rawiri ratou ko nga tino mātua, ko nga rangatira o nga mano, o nga rau, me nga rangatira ope.
- 27
- Ko etahi o nga taonga parakete i riro pārau mai, he mea whakatapu na ratou kia mau tonu ai nga mahi o te whare o Ihowa.
- 28
- Na, nga mea katoa i whakatapua e Hamuera matakite, ratou ko Haora tama a Kihi, ko Apanere tama a Nere, ko Ioapa tama a Teruia, e te hunga katoa ano hoki i whakatapua ai tetahi mea, i raro era i te ringa o Heromiti ratou ko ona teina.
- 29
- O nga Itihari, ko Kenania ratou ko ana tama mo nga mahinga o waho ki a Iharaira, hei rangatira, hei kai whakarite whakawa.
- 30
- O nga Heperoni, ko Hahapia ratou ko ona teina, he hunga marohirohi, kotahi mano e whitu rau, hei rangatira i roto i te hunga o Iharaira i tenei taha o Horano whaka-te-hauauru, i nga minitatanga katoa ki a Ihowa, i nga mahi ano hoki a te kingi.
- 31
- I roto i nga Heperoni ko Teriia te upoko, ara, i roto i nga Heperoni, i runga ano i nga whakatupuranga o ona mātua. I te wha tekau o nga tau o te kingitanga o Rawiri i rapua ratou, a, kua kitea etahi tangata marohirohi i roto i a ratou, he toa, ki Iatere o Kireara.
- 32
- Na, ona teina, he hunga toa, e rua mano e whitu rau, he upoko no nga mātua; meinga ana ratou e Kingi Rawiri hei rangatira mo nga Reupeni, mo nga Kari, mo tetahi tānga o te iwi o Manahe, mo nga mea katoa a te Atua, mo nga mea ano hoki a te kingi.
Address: 
Phone: 
Email: