- 1
- Ahakoa korero noa ahau i nga reo o nga tāngata o nga anahera, ki te kahore oku aroha, ka rite ahau ki te parahi tangi, ki te himipora tatangi.
- 2
- A, ahakoa kei a au te mahi poropiti, a kitea ana e ahau nga mea ngaro katoa, me te matauranga katoa, a ahakoa kei au katoa te whakapono, e taea ai te whakanekeneke i nga maunga, ki te kahore oku aroha, ehara rawa ahau.
- 3
- A ahakoa ka hoatu e ahau aku taonga katoa hei whangai i te hunga rawa-kore, a ahakoa ka tukua atu e ahau toku tinana kia tahuna, ki te kahore oku aroha, kahore rawa he pai ki ahau.
- 4
- E manawanui ana te aroha, e atawhai ana; e kore te aroha e hae; e kore te aroha e whakaii, e kore e whakapehapeha,
- 5
- Kahore ona tikanga whanoke, e kore e whai ki āna ake, e kore e riri wawe, e kore e whakairi kino;
- 6
- E kore e hari ki te hē, engari ka hari tahi me te pono;
- 7
- E whakamanawanui ana ki nga mea katoa, e whakapono ana ki nga mea katoa, e whakaaro pai ana ki nga mea katoa, e whakaririka kau ana ki nga mea katoa.
- 8
- E kore rawa te aroha e taka: na, ahakoa mahi poropiti, e memeha; ahakoa reo ke, e mutu; ahakoa matauranga, e memeha.
- 9
- E mātau ana hoki tatou ko tetahi wahi anake, e poropiti ana tatou ko tetahi wahi anake;
- 10
- Otira ka tae mai te tino mea, ko reira memeha ai taua wahi.
- 11
- I taku tamarikitanga, i rite aku korero ki a te tamariki, i rite toku ngakau ki to te tamariki, i rite oku whakaaro ki o te tamariki; taku kaumatuatanga, whakarerea ake e ahau nga mea tamariki.
- 12
- Inaianei hoki he titiro pouriuri ta tatou i roto i te whakaata; ko reira ia he kanohi he kanohi: inaianei e mātau ana ahau ko tetahi wahi anake; ko reira ia ahau mohio ai me ahau e mohiotia nei.
- 13
- Na, tenei te mau nei te whakapono, te tumanako, te aroha, enei e toru; te mea nui rawa ia o enei ko te aroha.
Address: 
Phone: 
Email: