- 1
- Na Paora, na te Apotoro a Ihu Karaiti, he mea whakarite na te Atua na to tatou Kai whakaora, na te Ariki hoki na Ihu Karaiti, na ta tatou e tumanako atu nei,
- 2
- Ki a Timoti ki taku tamaiti pono i roto i te whakapono: kia tau atu te aroha noa, te mahi tohu, te rangimarie, he mea na te Atua na to tatou Matua, na Karaiti Ihu hoki na ta tatou Ariki.
- 3
- Kia rite tau ki taku i whakahau atu ai ki a koe, i a au e haere ana ki Makeronia, ara kia noho koe ki Epeha, ako ai i etahi kia kaua e rereke te whakaako,
- 4
- Kia kaua e whakarongo ki nga korero tito noa, ki nga whakapapa tupuna kahore nei e whai mutunga, nga putanga ake o ena mea, he tautohetohe, kahore he whakatupu mo te whakaaro ki te Atua i runga i te whakapono;
- 5
- Na, te tukunga iho mo te akoranga ko te aroha, no roto i te ngakau ma, i te hinengaro pai, i te whakapono tinihanga-kore:
- 6
- Kapea ake enei e etahi, kotiti ke ana ki nga korero teka noa;
- 7
- Ki ta ratou he kai whakaako ratou i te ture; heoi kahore e mātau ki ta ratou e korero nei, ki nga mea ranei e kauwhautia nei e ratou.
- 8
- Na, e mātau ana tatou he mea pai te ture, ki te rite te meatanga e te tangata ki ta te ture tikanga;
- 9
- E mātau ana hoki ki tenei, kihai te ture i whakatakotoria mo te tangata tika, engari mo te hunga ture kore, tutū, karakia kore, hara, tapu kore, whakarihariha, mo nga kai patu i nga pāpā, mo nga kai patu i nga whaea, mo nga kai kohuru tangata,
- 10
- Mo te hunga puremu, moe tāne, tahae tangata, korero teka, oati teka, a ki te mea tera atu tetahi mea kahore nei e rite ki te whakaako tika;
- 11
- Rite tonu tenei ki te rongo pai, ki te mea kororia o te Atua koa, ki te mea kua tukua mai nei ki a au.
- 12
- A e whakawhetai atu nei ahau ki a Karaiti Ihu ki to tatou Ariki, nāna nei au i whakakaha; i whakaaro hoki ia he tangata pono ahau, a meinga ana ahau hei minita;
- 13
- Ahau nei te tangata kohukohu i mua, te kai whakatoi, whakatupu kino: heoi i tohungia ahau, no te mea i meinga kuaretia e ahau i runga i te whakapono kore:
- 14
- Heoi tino nui rawa te aroha noa o to tatou Ariki, me te whakapono ano me te aroha i roto i a Karaiti Ihu.
- 15
- He pono te korero, a e pai ana kia tangohia rawatia, i haere mai a Karaiti Ihu ki te ao ki te whakaora i te hunga hara; ko ahau ano hoki te tino tangata hara o ratou.
- 16
- Heoi na konei ahau i tohungia ai, kia ai ko ahau ki mua hei whakaaturanga ma Ihu Karaiti i nga manawanuitanga maha, hei tohu ki te hunga e whakapono ana ki a ia i muri iho kia ora tonu ai ratou.
- 17
- Na, te Kingi ora tonu, e kore nei e pirau, e kore nei e kitea, ko ia nei anake te Atua mātau, waiho atu i a ia te honore me te kororia, ake ake ake. Amine.
- 18
- Ka tukua atu nei e ahau tenei kupu ako ki a koe, e taku tamaiti, e Timoti, ko te poropititanga ano tenei i puta mai i mua mou, hei mea i a koe kia whawhai i te whawhai pai;
- 19
- Kia whai whakapono, me te hinengaro pai, he mea akiri tenei na etahi, a, to ratou whakapono koia ano kei te kaipuke pakaru:
- 20
- No ratou a Haimeniu raua ko Arehanera, kua tukua nei e ahau ki a Hatana, kia whakaakona ai kia kaua e kohukohu.
Address: 
Phone: 
Email: