- 1
- Na, i a tatou ka whiwhi nei ki enei kupu whakaari, e aku hoa aroha, kia horoi tatou i a tatou ano, ara i nga mea poke katoa o te kikokiko o te wairua, me te whai atu ano ki te tino tapu i runga i te wehi o te Atua.
- 2
- Manako mai ki a matou; kahore a matou whakahaere hē ki tetahi, kahore matou i kukume i tetahi ki te kino, kahore a matou whakapati i nga taonga a tetahi.
- 3
- Ehara taku i te korero mo te whakahe: kua mea atu na hoki ahau, kei o matou ngakau koutou mo te mate tahi mo te ora tahi.
- 4
- Nui atu taku maia ki te korero ki a koutou, nui atu taku whakamanamana mo koutou: kī tonu ahau i te whakamarietanga, hira ake taku koa i o matou matenga katoa.
- 5
- I to matou taenga mai hoki ki Makeronia, kihai i whai okiokinga to matou kikokiko, heoi mate ana matou i nga taha katoa; i waho ko nga whawhai, i roto ko nga mataku.
- 6
- Otira na te Atua, na te kai whakamarie o te hunga e whakaititia ana, nāna matou i whakamarie, i a Taituha ka tae mai nei;
- 7
- He teka ano i tona taenga mai anake, engari na te whakamarietanga ano hoki whakamarietia ai ia e koutou, i tana korerotanga mai ki a matou i to koutou hiahia nui, i to koutou tangit anga, i to koutou ngakau nui ki a au; a koa rawa ahau.
- 8
- No te mea, ahakoa i whakapouritia koutou e ahau ki te pukapuka, kahore e puta ke toku whakaaro; i puta ke ano ia toku whakaaro i mua: ka kite nei hoki ahau kua pouri koutou i taua pukapuka, ara, pouri potopoto nei.
- 9
- E hari ana tenei au, he teka no te mea i whakapouritia koutou, engari no te mea i whakapouritia koutou a ripeneta iho: to koutou pouri hoki no ta te Atua, a kahore noa iho koutou i hē i a matou.
- 10
- No ta te Atua hoki te pouri, ka mahi, a he ripeneta, a ora ake, he mea e kore e ripenetatia: ta te pouri ia o te ao e mahi ai, he mate.
- 11
- Titiro hoki, taua mea nei ano to koutou pouri, he mea Atua, tana mahinga i roto i a koutou, te nui o te tākare, nga kupu whakatikatika, te whakatakariri, te wehi, te hiahia, te ngakau nui, te whakapakanga riri! I nga mea katoa kua whakakite nui koutou kahore o koutou hara i tenei mea.
- 12
- Na, ahakoa i tuhituhi atu ahau ki a koutou, ehara i te mea mo te tangata nāna te hē mo te tangata ranei ki a ia nei te hē, engari kia whakakitea ai ki a koutou te nui o to matou matapopore ki a koutou, i te aroaro o te Atua.
- 13
- Koia matou i whai marietanga ai i to koutou whakamarietanga: a hira noa ake to matou koa na te koa hoki o Taituha, no te mea i ora ake tona wairua i a koutou katoa.
- 14
- I a au hoki i whakamanamana nei ki a ia ki tetahi mea a koutou, kahore ahau i meinga kia whakama; engari na, i runga nei i te pono a matou korero katoa ki a koutou, whaihoki kua whai pono ta matou whakamanamana i te aroaro o Taituha.
- 15
- Hira ake ano hoki tona ngakau aroha ki a koutou, i a ia e mahara ana ki te ngohengohe o koutou katoa, ki te wehi, ki te wiri, i manako ai koutou ki a ia.
- 16
- Na, ka hari nei ahau no te mea ka mārama nei toku whakaaro ki a koutou i nga mea katoa.
Address: 
Phone: 
Email: