- 1
- Na, he whakakite atu tenei na matou ki a koutou, e aku teina, i te aroha noa o te Atua kua homai nei ki nga hahi o Makeronia;
- 2
- Ina hoki, ahakoa he nui te whakamatautauranga, ara, nga tukinotanga, hira rawa to ratou koa, a i te mea e rawakore noa iho ana ratou, hira rawa to ratou taonga, ara te ohaoha.
- 3
- Me whakaatu atu ano e ahau, hihiko tonu ratou ki nga mea i taea e ratou, ki nga mea ano hoki kihai i taea e ratou;
- 4
- Nui atu ta ratou tohe ki a matou, kia manako matou ki te arohatanga noatanga, kia uru hoki ki te mahi ki te hunga tapu.
- 5
- Kihai hoki ratou i pera me ta matou i whakaaro ai; engari i te tuatahi tukua ana ratou e ratou ano ki te Ariki, ki a matou ano hoki i runga i ta te Atua i pai ai.
- 6
- I whakahau ai matou i a Taituha, nāna hoki tena mahi aroha noa i timata, kia whakaotia ano e ia ki roto ki a koutou.
- 7
- Na, e hua na ki a koutou nga mea katoa, te whakapono, te kupu, te matauranga, nui atu hoki te kakama, me to koutou aroha ano hoki ki a matou, kia hua ano hoki tenei mahi aroha noa a koutou.
- 8
- Ehara taku i te korero a ture, engari no te mea e kakama ana era atu, hei whakamatautau ano hoki i te pono o to koutou aroha.
- 9
- E mātau ana hoki koutou ki te aroha noa o to tatou Ariki o Ihu Karaiti, i a ia e whai taonga ana, whakarawakoretia iho ana ia, he whakaaro ki a koutou, kia whai taonga ai koutou i tona rawakoretanga.
- 10
- A ka hoatu nei au i toku whakaaro mo tenei mea: he mea pai hoki tenei mo koutou, kua timata noa ake hoki ta koutou i tera tau, ehara i te mea ko te mahi anake, ko te hiahia ano hoki.
- 11
- Ko tenei hoki whakaotia te mahi; i hihiko na hoki i mua te hiahia, whaihoki inaianei kia whai otinga i roto i nga mea i a koutou na.
- 12
- Na, ki te mea kua takoto te ngakau hihiko, ka manakohia; ko nga mea i te tangata e whakaaroa, haunga nga mea kahore i a ia.
- 13
- He teka ia ko etahi kia māmā, ko koutou kia taimaha:
- 14
- Engari kia rite; ko nga mea o koutou i hira i tenei wa, hei mea ma ratou kua hapa nei, a ko nga mea a ratou i hira hei mea ma koutou ina hapa; kia rite ai:
- 15
- Kia pera me te mea i tuhituhia, Te tangata i te mea nui kihai i nui ake tana; a, te tangata i te mea nohinohi kihai i iti iho tana.
- 16
- Me whakawhetai atu ia ki te Atua, nāna nei i homai ki roto ki te ngakau o Taituha taua kakamatanga ki a koutou mea.
- 17
- I tahuri mai hoki ia ki te whakahaunga; he kakama rawa nona i hihiko ai ia ki te haere ki a koutou.
- 18
- Kua tonoa atu na ano e matou hei hoa mona te teina, kei nga hahi katoa nei te whakamoemiti ki a ia i roto i te rongo pai;
- 19
- Ehara hoki i te mea ko tera anake, i whiriwhiria ano hoki ia e nga hahi hei hoa haere mo matou, ki te kawe i tenei arohatanga noatanga e mahia nei e matou, hei whakakororia mo te Ariki ake ano, hei whakakite ano hoki i to koutou hihikotanga:
- 20
- E tupato ana hoki matou i tenei, kei whaikupua matou e tetahi mo enei mea maha e mahia nei e matou:
- 21
- E whakaaro wawe ana hoki matou ki nga mea pai, ki te aroaro o te Ariki, ki te aroaro ano hoki o nga tāngata.
- 22
- Kua tonoa atu ano e matou hei hoa mo raua to matou teina, ka maha nei a matou kitenga i tona uaua i nga mea maha, heoi nui atu ano tona uaua inaianei, na te nui o te u o tona whakaaro ki a koutou.
- 23
- Ki te mea tetahi ki a Taituha, ko taku hoa ia, he hoa mahi ano i ta koutou mea: ki te meatia mai o matou teina, he apotoro ratou na nga hahi, he kororia no te Karaiti.
- 24
- Na, whakakitea ki a ratou, ki te aroaro ano hoki o nga hahi, te tohu o to koutou aroha, o nga mea ano hoki i whakamanamanangia ai koutou e matou.
Address: 
Phone: 
Email: