- 1
- Nga kupu a Amoho, a tetahi o nga kai tiaki hipi o Tekoa, tana i kite ai mo Iharaira i nga ra o Utia kingi o Hura, i nga ra ano hoki o Ieropoama tama a Ioaha kingi o Iharaira, e rua nga tau i mua ake o te ru.
- 2
- I mea hoki ia, Ka hamama mai a Ihowa i Hiona, ka puaki mai ano hoki tona reo i Hiruharama; a ka tangi nga nohoanga o nga hepara, ka maroke ano hoki te tihi o Karamere.
- 3
- Ko te kupu tenei a Ihowa, Ka toru nei, ka wha ano hoki, nga pokanga ketanga a Ramahiku, na, e kore e whakatahuritia atu e ahau te whiu mona; mo Kireara i patua-a-wititia nei e ratou ki nga patu rino:
- 4
- Engari ka tukua atu e ahau he ahi ki te whare o Hataere, e pau ai nga whare kingi o Peneharara.
- 5
- Ka whati ano hoki i a au te tutaki tatau o Ramahiku, ka hatepea atu ano hoki te tangata o Raorao Awene, te kai pupuri ano hoki o te hepeta o te whare o Erene: ka whakaraua atu ano hoki te iwi i Hiria, ki Kiri, e ai ta Ihowa.
- 6
- Ko te kupu tenei a Ihowa, Ka toru nei nga pokanga ketanga a Kaha, ka wha ano hoki, na, e kore e whakatahuritia atu e ahau te whiu mona, mo ta ratou whakaraunga i nga whakarau katoa, tukua tonutia atu e ratou ki a Eroma.
- 7
- Engari ka tukua atu e ahau he ahi ki te taiepa o Kaha, e pau ai ona whare kingi.
- 8
- Ka hatepea atu ano hoki e ahau te tangata o Aharoro, te kai pupuri ano hoki i te hepeta i Ahakerono, ka tahuri atu ano toku ringa ki Ekerono, a ka ngaro nga morehu o nga Pirihitini, e ai ta te Ariki ta Ihowa.
- 9
- Ko te kupu tenei a Ihowa, Ka toru nei nga pokanga ketanga a Taira, ka wha ano hoki, na, e kore e whakatahuritia atu e ahau te whiu mona, mo ta ratou tukunga atu i nga whakarau katoa ki a Eroma, mo ratou kihai i mahara ki te kawenata a te tuakana ki te teina.
- 10
- Engari ka tukua atu e ahau he ahi ki te taiepa o Taira, e pau ai ona whare kingi.
- 11
- Ko te kupu tenei a te Ariki a Ihowa, Ka toru nei nga pokanga ketanga a Eroma, ka wha ano hoki, na, e kore e whakatahuritia atu e ahau te whiu mona, mo tana hoari i whai nei i tona teina, a kahore noa iho ona aroha, heoi haehae tonu tana riri, r ongoa tonu ia i tana riri, a ake ake ake:
- 12
- Engari ka tukua atu e ahau he ahi ki Temana, e pau ai nga whare kingi o Potora.
- 13
- Ko te kupu tenei a Ihowa, ka toru nei, ka wha ano hoki, nga pokanga ketanga o nga tamariki a Amono, na, e kore e whakatahuritia atu e ahau te whiu mona, na ratou hoki nga wahine hapu o Kireara i ripiripi, he mea kia nui ai te rohe ki a ratou.
- 14
- Ka ngiha ano he ahi i a au ki runga ki te taiepa o Rapa, e pau ai ona whare kingi, i runga ano i te hamamatanga i te ra o te whawhai, i te paroro ano hoki i te ra o te tukauati.
- 15
- Ka riro ano hoki to ratou kingi i te whakaraunga, ratou tahi ko ana rangatira, e ai ta Ihowa.
Address: 
Phone: 
Email: