- 1
- Na, ka haere atu te huihui katoa o nga tamariki a Iharaira i te koraha o Hini ki nga wahi i haere ai ratou, i pera tonu me ta Ihowa i ako ai, a noho rawa atu ki Repirimi: otiia kahore he wai hei inu ma te iwi.
- 2
- Na, ka ngangau te iwi ki a Mohi, a ka mea, Homai ra he wai mo matou, kia inu ai matou. A ka mea atu a Mohi ki a ratou, He aha koutou i ngangau ai ki a au? he aha koutou i whakamatautau ai i a Ihowa?
- 3
- Na, ka mate te iwi i te wai i reira; a amuamu ana te iwi ki a Mohi, a ka mea, He aha matou i kawea mai ai e koe i Ihipa kia kohurutia ai matou, me a matou tamariki, me a matou kararehe ki te mate-wai?
- 4
- Na, ka karanga atu a Mohi ki a Ihowa, ka mea, Me pehea ahau ki te iwi nei? whano ratou aki i a au ki te kohatu.
- 5
- Na, ko te meatanga mai a Ihowa ki a Mohi, Haere atu i mua i te iwi, ka tango hoki i etahi o nga kaumatua o Iharaira hei hoa mou; ko to tokotoko hoki, i patua e koe ki te awa, me mau atu i tou ringaringa, ka haere.
- 6
- Nana, tena ahau te tu atu na ki tou aroaro ki reira, i runga i te kamaka i Horepa, a mau e patu te kamaka, a ka puta mai he wai i reira, hei inu ma te iwi. A peratia ana e Mohi i te tirohanga a nga kaumatua o Iharaira.
- 7
- A huaina ana e ia te ingoa o taua wahi ko Maha, ko Meripa; mo te ngangautanga a nga tamariki a Iharaira, mo ta ratou whakamatauranga hoki i a Ihowa, i a ratou i mea ra, Kei roto ranei a Ihowa i a tatou, kahore ranei?
- 8
- Na, ko te haerenga mai o Amareke, kei te whawhai ki a Iharaira ki Repirimi.
- 9
- Na, ka mea a Mohi ki a Hohua, Whiriwhiria mai etahi tangata ma taua, ka haere ki te whawhai ki a Amareke: ka tu au apopo ki runga i te tihi o te pukepuke, me te rakau ano hoki a te Atua i toku ringaringa.
- 10
- Na, peratia ana e Hohua me ta Mohi i korero ai ki a ia; te tino whawhaitanga ki a Amareke: ko Mohi ia, ratou ko Arona, ko Huru, i piki ki te tihi o te pukepuke.
- 11
- A ka maiangi ake te ringa o Mohi, na, ka kaha a Iharaira; a ka tukua iho tona ringaringa, na, ka kaha a Amareke.
- 12
- Nawai-a, ka taimaha nga ringa o Mohi; a ka tango ratou i tetahi kohatu, a whakatakotoria ana ki raro i a ia, a noho ana ia i runga; a puritia ake ana ona ringaringa e Arona raua ko Huru, kotahi i tetahi taha kotahi i tetahi taha: katahi ka tūturu tonu ona ringaringa, a, to noa te ra.
- 13
- Na, patua ana a Amareke, ratou ko tona iwi, e Hohua ki te mata o te hoari.
- 14
- A ka mea a Ihowa ki a Mohi, Tuhituhia tenei ki te pukapuka, hei whakamaharatanga, ka korero ai ki nga taringa o Hohua: ta te mea, ka tino horoia atu e ahau te maharatanga o Amareke i raro iho o te rangi.
- 15
- A hangā ana e Mohi he aata, a huaina iho tona ingoa ko Ihowa-nihi:
- 16
- I mea hoki ia, no te mea kua torona atu te ringaringa ki te torona o Ihowa, na, he pakanga ta Ihowa ki a Amareke i tenei whakapaparanga i tenei whakapaparanga.
Address: 
Phone: 
Email: