- 1
- A i puta mai ano te kupu a Ihowa, ki a au; i mea,
- 2
- E te tama a te tangata, he aha te nuinga ake o taua rakau, o te waina, i nga rakau katoa, o te manga ranei i roto i nga rakau o te ngahere?
- 3
- E tangohia mai ranei tetahi rakau o reira hei mahinga i tetahi mahi? e tangohia ranei tetahi wahi o reira hei titi whakairihanga mo tetahi mea?
- 4
- Nana, e makā ana ki te ahi hei wahie; pau ake i te ahi ona pito e rua, ka ana a waenganui. E pai ana ranei mo tetahi mahi?
- 5
- Nana, i tona toitutanga kihai i pai mo tetahi mahi: hore rawa ano ona pai i muri ake nei mo tetahi mahi, i te mea ka kainga nei e te ahi, a ka wera.
- 6
- Na, ko te kupu tenei a te Ariki a Ihowa, Taua rakau, te waina i roto i nga rakau o te ngahere, tera i tukua e ahau hei kai ma te ahi, ka rite ki tera taku tukunga atu i nga tangata o Hiruharama.
- 7
- Ka u atu ano toku mata hei he mo ratou. Ka puta mai ratou i tetahi ahi, ma tetahi ahi ratou e kai: a ka mohio koutou ko ahau a Ihowa, ina u atu toku mata ki te he mo ratou.
- 8
- Ka meinga ano e ahau tenei whenua hei ururua mo te he i he ai ratou, e ai ta te Ariki ta Ihowa.
Address: 
Phone: 
Email: