- 1
- Na, kua haere mai etahi tangata ki a au, he kaumatua no Iharaira, noho ana i toku aroaro.
- 2
- Katahi ka puta mai te kupu a Ihowa ki a au; i mea ia,
- 3
- E te tama a te tangata, kua oti i enei tangata a ratou whakapakoko te whakaara ki o ratou ngakau, kua waiho e ratou te tūtukitanga waewae, to ratou he, ki mua i o ratou mata: kia rapua mai koia e ratou he tikanga i a au?
- 4
- Mo reira korero atu ki a ratou, mea atu ki a ratou, Ko te kupu tenei a te Ariki a Ihowa; Te tangata o te whare o Iharaira e whakaara ana i ana whakapakoko ki tona ngakau, e whakatakoto ana i te tūtukitanga waewae, i tona he, ki mua i tona mata, a e haere mai ana ki te poropiti; taku, ta Ihowa e whakahoki atu ai ki taua tangata i haere mai ra, ka rite ki te maha o ana whakapakoko.
- 5
- Kia mau ai te whare o Iharaira i roto i o ratou ngakau; kua tangata ke hoki ratou katoa ki a au, na a ratou whakapakoko hoki.
- 6
- Na, mea atu ki te whare o Iharaira, Ko te kupu tenei a te Ariki a Ihowa, Ripeneta, tahuri mai koutou i ā koutou whakapakoko; tahuri mai ano hoki o koutou mata i ā koutou mea whakarihariha katoa.
- 7
- Na, te tangata o te whare o Iharaira, te tautangata ano hoki e noho ana i roto i a Iharaira, e whaka-tangata ke ana ki a au, e whakaara ana i ana whakapakoko ki tona ngakau, e whakatakoto ana i te tūtukitanga waewae, i tona he, ki mua i tona mata, a e haere mai ana ki te poropiti ki te rapu i taku tikanga i a ia, maku ake ano ma Ihowa e whakahoki te kupu ki a ia.
- 8
- Ka u atu ano hoki toku mata ki taua tangata, ka meinga ano ia e ahau hei tohu, hei whakatauki, ka hatepea atu ano ia e ahau i roto i toku iwi, a ka mohio koutou ko Ihowa ahau.
- 9
- Na, te poropiti i he i tana korerotanga i tetahi mea, naku na Ihowa taua poropiti i he ai, ka pa atu ano toku ringa ki a ia, ka whakangaromia ano hoki ia e ahau i roto i toku iwi i a Iharaira.
- 10
- Ka wahā ano e ratou to ratou he; te he o te poropiti ka rite ki te he o te tangata e rapu tikanga ana i a ia.
- 11
- He mea kia kore ai te whare o Iharaira e kotiti atu i te whai i a au a muri ake nei, kei poke ano hoki ratou a muri ake nei i ā ratou pokanga ketanga katoa, kia waiho ai hoki ratou hei iwi moku, a ko ahau hei Atua mo ratou, e ai ta te Ariki ta Ihowa.
- 12
- A i puta mai ano te kupu a Ihowa ki a au, i mea,
- 13
- E te tama a te tangata, ki te hara te whenua ki a au, ki te nui rawa te he, ka totoro atu toku ringa ki reira, a ka whati i a au tona tokotoko, te taro; ka ungā ano e ahau te hemo-kai ki reira, ka hatepea ano e ahau to reira tangata, to reira kararehe,
- 14
- Ahakoa ko enei tangata tokotoru, ko Noa, ko Raniera, ko Hopa, i reira, ko o ratou wairua ake e whakaorangia e ratou e ta ratou tika, e ai ta te Ariki ta Ihowa.
- 15
- Ki te meinga e ahau nga kirehe kino kia tika na waenganui i te whenua, a ka kore i a ratou, ka whakamotitia ano, kahore he tangata e haere ana i reira i te wehi o nga kirehe:
- 16
- Ahakoa ko enei tangata tokotoru i reira, e ora ana ahau, e ai ta te Ariki ta Ihowa, e kore e whakaorangia nga tamariki, nga tamahine, e ratou; ko ratou anake e ora, ka whakamotitia ia te whenua.
- 17
- Ki te kawea atu ranei e ahau te hoari ki runga ki taua whenua, a ka mea, E tika, e te hoari, na waenganui i te whenua; a ka hatepea atu e ahau nga tangata me nga kararehe o reira:
- 18
- Ahakoa ko enei tangata tokotoru i reira, e ora ana ahau, e ai ta te Ariki ta Ihowa, e kore e whakaorangia nga tamariki nga tamahine e ratou; ko ratou anake e ora.
- 19
- Ki te tukua atu ranei e ahau te mate uruta ki taua whenua, a ka ringitia atu e ahau taku weriweri ki runga ki taua wahi, he mea toto, kia hatepea atu ai nga tangata me nga kararehe o reira:
- 20
- Ahakoa ko Noa, ko Raniera, ko Hopa, i reira, e ora ana ahau, e ai ta te Ariki ta Ihowa, e kore tetahi tamaiti, tetahi tamahine e whakaorangia e ratou; ko ratou anake e ora i ta ratou tika.
- 21
- No te mea ko te kupu tenei a te Ariki a Ihowa, Tera noa ake ina tukua atu e ahau aku whakawakanga kino e wha, te hoari, te hemo-kai, te kirehe kino, te mate uruta ki Hiruharama, hei hatepe atu i nga tangata, i nga kararehe o reira.
- 22
- Otiia, nana, ka toe etahi morehu i reira, a ka whakaputaina atu nga tamariki, nga tamahine: nana, ka puta atu ratou ki a koutou, a ka kite koutou i ta ratou ara, i ā ratou mahi: ka whai whakamarietanga ano mo te kino i kawea e ahau ki Hiruharama, mo nga mea katoa i kawea e ahau ki taua wahi.
- 23
- Ka whai whakamarietanga ano koutou i a ratou, ina kite koutou i ta ratou ara, i ā ratou mahi: a ka mohio koutou, na, taku mahinga i nga mea katoa i mahia e ahau ki reira, ehara i te mea take-kore, e ai ta te Ariki ta Ihowa.
Address: 
Phone: 
Email: