- 1
- Na, ko nga upoko enei o o ratou mātua, ko nga whakapaparanga ano enei o te hunga i haere hei hoa moku i Papurona, i te kingitanga o Kingi Arataherehe.
- 2
- O nga tama a Pinehaha; ko Kerehoma: o nga tama a Itamara; ko Raniera: o nga tama a Rawiri; ko Hatuhu.
- 3
- O nga tama a Hekania, o nga tama a Paroho; ko Hakaraia: na, nga tane i taua ngatahitia me ia, he mea whakapapa, kotahi rau e rima tekau.
- 4
- O nga tama a Pahata-moapa; ko Erihoenai tama a Terahia; na, ona hoa, e rua rau nga tane.
- 5
- O nga tama a Hekania; ko te tama a Tahatiere; na, ona hoa, e toru rau nga tane.
- 6
- O nga tama ano hoki a Arini; ko Epere tama a Honatana; a, ona hoa, e rima tekau nga tane.
- 7
- Na, o nga tama a Erama, ko Ihaia tama a Ataria; a, ona hoa, e whitu tekau nga tane,
- 8
- O nga tama a Hepatia; ko Teparia tama a Mikaera; a, ona hoa, e waru tekau nga tane.
- 9
- O nga tama a Ioapa; ko Oparia tama a Tehiere; a, ona hoa, e rua rau kotahi tekau ma waru nga tane,
- 10
- O nga tama a Heromiti; ko te tama a Tohipia; a, ona hoa, kotahi rau e ono tekau nga tane.
- 11
- O nga tama a Pepai; ko Hakaraia tama a Pepai; a, ona hoa, e rua tekau ma waru nga tane.
- 12
- Na, o nga tama a Atakara; ko Iohanana tama a Hakatana; a, ona hoa, kotahi rau kotahi tekau nga tane.
- 13
- Na, o nga tama whakamutunga a Aronikama; ko o ratou ingoa enei; ko Eriperete, ko Teiere, ko Hemaia; a, o ratou hoa, e ono tekau nga tane.
- 14
- O nga tama ano a Pikiwai; ko Utai, ko Tapuru; a, o ratou hoa, e whitu tekau nga tane.
- 15
- Na, ka huihuia ratou e ahau ki te awa e rere ana ki Ahawa, a, noho ana i reira e toru nga ra; a, taku tirohanga iho i te iwi, i nga tohunga, na, kihai tetahi o nga tama a Riwai i kitea e ahau ki reira.
- 16
- Katahi ahau ka tono kia tikina a Erietere, a Ariere, a Hemaia, a Erenatana, a Iaripi, a Erenatana, a Natana, a Hakaraia, a Mehurama, he upoko enei; a Toiaripi ano hoki, a Erenatana, he hunga whai whakaaro.
- 17
- Na, ka ungā atu ratou e ahau ki a Iro, ki te upoko o te kāinga o Kahipia, i hoatu ano e ahau etahi kupu ma o ratou mangai, ta ratou e ki atu ai ki a Iro, ratou ko ona teina ko nga Netinimi i te kāinga i Kahipia, kia kawea mai ai e ratou he minita ki a matou mo te whare o to tatou Atua.
- 18
- Na, i runga i a matou te ringaringa pai o to matou Atua, a ka kawea mai e ratou ki a matou he tangata whai whakaaro, no nga tama a Mahari, tama a Riwai, tama a Iharaira; a Herepia ano hoki ratou ko ana tama, ko ona tuakana, teina, kotahi tekau ma waru;
- 19
- Ratou ko Hahapia, a, hei hoa mona ko Ihaia, no nga tama a Merari, ona tuakana, teina, me a ratou tama, e rua tekau;
- 20
- O nga Netinimi ano hoki i whakaritea nei e Rawiri ratou ko nga rangatira, mo nga mahi a nga Riwaiti e rua rau e rua tekau nga Netinimi; he mea whakahua katoa o ratou ingoa.
- 21
- Katahi ka karangatia e ahau he noho puku ki reira ki te taha o Awa Ahawa, kia whakaiti ai matou i a matou ki te aroaro o to matou Atua, kia rapua ai e matou i a ia te ara tika mo matou, mo a matou tamariki, mo a matou taonga katoa.
- 22
- I whakama hoki ahau, tē tonoa ai e ahau tetahi ropu hoia me etahi kai eke hoiho, hei tuara mo matou ki te hoa riri i te ara: i korero hoki matou ki te kingi, i mea, Kei runga te ringa o to matou Atua i te hunga katoa e rapu ana i a ia, hei pai mo ratou, a ka whawhai tona kaha, me tana riri, ki te hunga katoa e whakarere ana i a ia.
- 23
- Na, noho puku ana matou, rapua ana e matou he tikanga i to matou Atua mo tenei mea, a, tahuri mai ana ia ki a matou.
- 24
- Katahi ka motuhia mai e ahau etahi o nga tohunga kotahi tekau ma rua, a Herepia, a Hahapia, ratou ko o ratou teina kotahi tekau.
- 25
- Na, paunatia atu ana e ahau te hiriwa, te koura, me nga oko, te whakahere ki te whare o to matou Atua i homai nei e te kingi ratou ko ona kai whakatakoto whakaaro, ko ana rangatira, e Iharaira katoa ano hoki i reira.
- 26
- I paunatia ano e ahau ki o ratou ringa te hiriwa e ono rau e rima tekau nga taranata, nga oko hiriwa kotahi rau nga taranata, kotahi te rau o nga taranata koura.
- 27
- Me nga peihana koura e rua tekau, kotahi mano tarami te taimaha, e rua nga oko kapa, pai tonu, rite tonu ki te koura te utu nui.
- 28
- I mea ano ahau ki a ratou, He tapu koutou ki a Ihowa; e tapu ana hoki nga oko; he mea whakahere noa ake ano hoki te hiriwa me te koura ma Ihowa ma te Atua o o koutou mātua.
- 29
- Matapoporetia iho e koutou, tiakina, kia paunatia ra ano e koutou ki te aroaro o nga rangatira, o nga tohunga, o nga Riwaiti, o nga rangatira ano hoki o nga mātua o Iharaira, ki Hiruharama, i roto i nga ruma o te whare o Ihowa.
- 30
- Na, kua riro mai i nga tohunga, i nga Riwaiti, te taimaha o te hiriwa, o te koura, o nga oko, kia kawea ai e ratou ki Hiruharama, ki te whare o to tatou Atua.
- 31
- Na, ka turia atu e matou i Awa Ahawa i te tekau ma rua o nga ra o te mamma tuatahi, ka haere ki Hiruharama. I runga hoki i a matou te ringa o to matou Atua, a, whakaorangia ana matou e ia i te ringa o te hoa riri, o te kai whanga i te huarahi.
- 32
- Na, kua tae matou ki Hiruharama, a, noho ana i reira, e toru nga ra.
- 33
- I te wha o nga ra, na ko taua hiriwa, koura, me nga oko, ka paunatia i roto i te whare o to tatou Atua e te ringaringa o Meremoto tama a Uria, ko te tohunga nei ia, a, hei hoa mona a Ereatara, tama a Pinehaha; i a raua ano hoki a Iotapara tama a Hehua, raua ko Noaria tama a Pinui, no nga Riwaiti.
- 34
- He mea tatau, he mea pauna, tenei, tenei; i tuhituhia ano hoki nga taimaha katoa i taua wa ra ano.
- 35
- Na, te hunga i haere mai nei i te whakaraunga, nga tamariki o te hunga i whakaraua atu, whakaherea atu ana e ratou nga tahunga tinana ma te Atua o Iharaira, kotahi tekau ma rua nga puru, he mea mo Iharaira katoa, e iwa tekau ma ono nga hipi toa, e whitu tekau ma whitu nga reme, tekau ma rua nga koati toa, hei whakahere hara: tenei katoa hei tahunga tinana ki a Ihowa.
- 36
- Na, ka hoatu e ratou nga ture a te kingi ki nga kawana nui a te kingi, ki nga kawana iti ano hoki i tenei taha o te awa; a, ko ratou hei whakaneke ake i ta te iwi, i te whare ano hoki o te Atua.
Address: 
Phone: 
Email: