- 1
- E nga Karatia whakaaro-kore, na wai koutou i whaiwhaia i kore ai e rongo ki te pono, i whakakitea nuitia na hoki a Ihu Karaiti i roto i a koutou ki o koutou kanohi, he mea ripeka?
- 2
- Ko tenei anake taku e mea nei kia whakaakona mai e koutou, I na runga ranei i nga mahi a te ture te rironga mai o te Wairua i a koutou, na te mea ranei ka rongo ki te whakapono?
- 3
- Ha, kia pena koutou te whakaaro-kore? i runga i te Wairua ta koutou timatanga, a me whakaoti ranei e koutou i runga i te kikokiko?
- 4
- He hua kore noa iho ranei o koutou matenga maha? ki te mea ra he mea hua kore.
- 5
- Na, te kai whakawhiwhi i a koutou ki te Wairua, e mahi nei hoki i nga merekara i roto i a koutou, na nga mahi ranei o te ture tana, na te rongo ranei ki te whakapono?
- 6
- Ka rite hoki a Aperahama i whakapono ki te Atua, a whakairia ana ki a ia hei tika.
- 7
- Na, kia mātau koutou, te hunga o te whakapono, he tamariki enei na Aperahama.
- 8
- A, te kitenga o te Karaipiture i mua, he whakapono ta te Atua hei whakatika mo nga tauiwi, ka kauwhautia wawetia te rongo pai ki a Aperahama, Mau ka manaakitia ai nga tauiwi katoa.
- 9
- Ina, te hunga o te whakapono, e manaakitia ngatahitia ratou me Aperahama i whakapono ra.
- 10
- Te hunga katoa hoki o nga mahi a te ture, kei raro ratou i te kanga: kua oti hoki te tuhituhi, Ka kangā nga tāngata katoa kahore e mau ki nga mea katoa kua oti te tuhituhi ki te pukapuka o te ture, hei mahi ma ratou.
- 11
- He hanga mārama ano tenei e kore e tika i te ture tetahi tangata ki te aroaro o te Atua: Ma te whakapono hoki e ora ai te tangata tika.
- 12
- He teka hoki no te whakapono te ture: engari, Ki te mahia aua mea e te tangata, ma aua mea ia e ora ai.
- 13
- Kua hokona mai tatou e te Karaiti i roto i te kanga a te ture, i a ia nei i meinga hei kanga mo tatou: kua oti hoki te tuhituhi, He mea kanga nga tāngata katoa e whakairia ki runga ki te rakau:
- 14
- Kia tae ai i runga i a Karaiti Ihu ki nga tauiwi te manaakitanga o Aperahama; kia riro mai ai i a tatou te kupu homai o te Wairua, he mea na te whakapono.
- 15
- E aku teina, he kupu tangata taku nei; Ahakoa he kawenata na te tangata, ki te mea ka oti te whakau, kahore he tangata hei turaki, hei tapiri mai ranei.
- 16
- Na, i korerotia nga kupu whakaari kia Aperahama ki tona whanau ano hoki. Kihai ia i mea, Ki nga whanau, me te mea he tokomaha; engari me te mea he kotahi ano, A ki tou whanau, ko te Karaiti hoki ia.
- 17
- Na, ko taku kupu tenei, I whakaukia te kawenata i mua e te Atua he whakaaro ki a te Karaiti, a ka wha rau ka toru tekau tau i muri mai ko te ture; na e kore tenei e tau hei turaki i te kawenata, hei whakakahore i te kupu whakaari mai.
- 18
- Me he mea hoki na te ture i riro mai ai, te kāinga, ehara i te mea na te kupu whakaari; otira i na runga mai i te kupu whakaari ta te Atua homaitanga ki a Aperahama.
- 19
- Hei aha ra te ture? I tapiritia mai mo nga pokanga ketanga, kia tae mai ra ano te whanau mona nei te kupu whakaari; he mahinga na nga anahera, i roto i te ringa o te takawaenga.
- 20
- Na, he teka mo te kotahi te takawaenga, kotahi ia te Atua.
- 21
- He turaki ranei ta te ture i ā te Atua kupu whakaari? Kahore rapea: me i homai hoki he ture e kaha ana ki te whakaora, ina kua puta ake te tika i te ture.
- 22
- Heoi kua kopania nga mea katoa e te Karaipiture ki raro o te hara, kia homai ai ki te hunga e whakapono ana, te mea i whakaaria mai i runga i te whakapono ki a Ihu Karaiti.
- 23
- Na, i mua i te taenga mai o te whakapono, e puritia ana tatou i raro i te ture, he mea kopani atu, kia taea ra ano te whakapono e whakapuakina nei i muri.
- 24
- Na, kua meinga nei te ture hei kai whakaako mo tatou, hei arahi ki a te Karaiti, kia tika ai tatou i te whakapono.
- 25
- A ka tae mai nei te whakapono, mutu ake to tatou meatanga mai e te kai whakaako.
- 26
- He tamariki katoa hoki koutou na te Atua, he mea na te whakapono ki a Karaiti Ihu.
- 27
- Te hunga katoa hoki o koutou kua iriiria ki roto ki a te Karaiti, kua kakahuria e koutou a te Karaiti.
- 28
- Kahore he Hurai, kahore he Kariki, kahore he pononga, kahore he rangatira, kahore he tāne he wahine ranei: kotahi tonu hoki koutou katoa i roto i a Karaiti Ihu.
- 29
- A ki te mea na te Karaiti koutou, he whanau no Aperahama, a ma koutou ano te mea i whakaaria mai i mua.
Address: 
Phone: 
Email: