Hosea Chapter 3 - Paipera Tapu 1868

1: I mea mai ano hoki a Ihowa ki a au, Tena ano haere, arohaina tetahi wahine e arohaina ana e tona hoa, he mea puremu ano ia; kia rite ki te aroha o Ihowa ki nga tamariki a Iharaira, e anga atu nei ki nga atua ke, a e matenui ana ki nga oko waina.
2: Na, ka hokona ia maku ki nga hiriwa kotahi tekau ma rima, ki te homa parei, me te hawhe homa parei:
3: A ka ki atu ki a ia, Kia maha nga rangi e noho ai koe he mea taumau maku; kaua e puremu, kaua ano e riro i te tangata: ko au ano hoki hei hoa mou.
4: He maha hoki nga rangi e noho ai nga tamariki a Iharaira, kahore he kingi, kahore he rangatira, kahore he patunga tapu, kahore hoki he pou, kahore he epora, kahore he terapimi.
5: Muri iho ka hoki mai nga tamariki a Iharaira, ka rapu i a Ihowa i to ratou Atua, i a Rawiri ano hoki i to ratou kingi, a ka wehi ratou ki a Ihowa, ki tana pai ano hoki i nga ra whakamutunga.