- 1
- I te tau i haere mai ai a Taratana ki Aharoro, (i a ia ra i ungā mai e Harakono kingi o Ahiria,) i tana whawhaitanga atu ki Aharoro, a horo ana a reira i a ia;
- 2
- I taua wa ka korero mai a Ihowa, he mea whakapuaki mai na Ihaia tama a Amoho, i ki mai, Wetekina atu te kakahu taratara i tou hope, whakarerea atu ano hoki nga hu i tou waewae. Na, pera ana ia, haere tahanga ana, kahore hoki he hu.
- 3
- Na, ko te meatanga mai a Ihowa, Ka toru enei tau o taku pononga, o Ihaia, e haere tahanga ana, kahore hoki he hu, hei tohu, hei mea whakamiharo ki a Ihipa raua ko Etiopia;
- 4
- Ka pena ano ta te kingi o Ahiria arahi i nga Ihipiana hei pārau, i nga Etiopiana hei whakarau, nga taitamariki, nga kaumatua; kahore he kakahu, kahore he hu, takoto kau ana nga papa, whakama iho a Ihipa.
- 5
- Ka wehi ano ratou, ka whakama ki a Etiopia ki ta ratou i tumanako atu ai, ki a Ihipa ano hoki ki to ratou kororia.
- 6
- A e mea ano te tangata o tenei motu i taua rangi, Nana, ko ta tatou tenei i tumanako atu ai, ta tatou i rere atu ai kia ora ai tatou i te kingi o Ahiria: a ma te aha tatou ka mawhiti atu ai?
Address: 
Phone: 
Email: