- 1
- Maranga, maranga; kakahuria to kaha, e Hiona; kakahuria o kaha whakapaipai, e Hiruharama, e te pa tapu! no te mea heoi ano haerenga mai ki a koe o te mea kokoti-kore, o te mea poke.
- 2
- Ruperupea atu te puehu i a koe, whakatika ake, noho iho, e Hiruharama: wetekina atu nga here i tou kaki, e te tamahine herehere o Hiona.
- 3
- Ko te kupu hoki tenei a Ihowa, Kua hokona kautia atu koutou e koutou ano; na, ehara i te moni mana koutou e whakahoki mai.
- 4
- Ta te mea hoki ko te kupu tenei a te Ariki, a Ihowa, I haere atu toku iwi ki Ihipa i mua, ki reira noho ai; na, kahore he rawa i whakatupuria kinotia ai ratou e te Ahiriana.
- 5
- Na, he aha ra taku i konei, e ai ta Ihowa; ka kahakina kautia atu nei hoki toku iwi, tangi aue ana ratou i o ratou rangatira, e ai ta Ihowa, a, whakahaweatia tonutia ana toku ingoa i tenei ra, i tenei ra.
- 6
- Mo konei ka mohio toku iwi ki toku ingoa: mo konei ka mohio ratou i taua ra ko ahau te korero nei, nana, ko au nei.
- 7
- Ano te ahuareka o nga waewae i runga i nga maunga o te kai kawe i te rongo pai, e kauwhau ana i te maunga rongo; e kawe mai ana i te rongo whakahari o te pai, e kauwhau ana i te oranga; e mea ana ki a Hiona, Ka kingi tou Atua!
- 8
- Ka whakanuia te reo o o tutei; ka waiata ngatahi ano to ratou reo; no te mea ka kite atu ratou he kanohi, he kanohi, ua whakahoki a Ihowa i a Hiona.
- 9
- Hamama, waiata ngatahi koutou, e nga wahi o Hiruharama kua ururuatia; kua whakamarie hoki a Ihowa i tona iwi, kua hoko i Hiruharama.
- 10
- Kua huhu te ringa tapu o Ihowa ki te aroaro o nga tauiwi katoa, a, ka kite nga pito katoa o te ao i te whakaoranga a to tatou Atua.
- 11
- Maunu, maunu, haere atu i reira: kaua e pa atu ki te mea poke: haere atu i roto i a ia; kia ma koutou, e nga kai mau o nga oko a Ihowa.
- 12
- Ta te mea hoki, e kore koutou e haere potatutatu atu, e kore ano hoki e tuāwhati ta koutou haere; no te mea ka haere a Ihowa i to koutou aroaro; ko te Atua hoki o Iharaira hei hiku mo koutou.
- 13
- Nana, ka mahi tupato taku tangata, ka whakatiketikea, ka whakanuia, ka whakakakea rawatia.
- 14
- I miharo te tini ki a koe, (i kino iho hoki tona kanohi i to te tangata, tona ahua i to nga tamariki a te tangata;)
- 15
- Waihoki ka tauhiuhia e ia nga iwi maha; kopi tonu te mangai o nga kingi ki a ia; no te mea ko nga mea kihai i korerotia ki a ratou ka kitea, ko nga mea hoki kihai i rangona ka whakaaroaroa.
Address: 
Phone: 
Email: