Jeremiah Chapter 45 - Paipera Tapu 1868

1: Te kupu i korerotia e Heremaia poropiti ki a Paruku tama a Neria i tana tuhituhinga i enei kupu ki te pukapuka, i ā Heremaia ra i korero ai i te wha o nga tau o Iehoiakimi tama a Hohia kingi o Hura; i ki ia,
2: Ko te kupu tenei a Ihowa Atua o Iharaira mou, e Paruku;
3: I mea koe, Aue toku mate! kua tapiritia mai hoki e Ihowa toku ngakau pouri ki te tangihanga; mauiui noa iho ahau i toku auetanga, kihai i kitea he pariratanga.
4: Ko tau tenei e ki atu ai ki a ia, Ko te kupu tenei a Ihowa, Nana, taku i hanga ai ka wahia iho ano e ahau; taku i whakato ai ka hutia atu ano e ahau, ara, tenei whenua katoa.
5: E rapu ana ranei koe i nga mea nui mau? kaua e rapua; no te mea tenei ahau te kawe atu nei i te kino mo nga kikokiko katoa, e ai ta Ihowa; ka hoatu ano ia e ahau tou wairua ki a koe hei taonga parakete i nga wahi katoa e haere atu ai koe.