- 1
- Ano ra ko Pirirara Huhi; i mea ia,
- 2
- Ko ahea ra ano whai mutunga ai a koutou korero? kia whai mahara mai, a muri iho ka korero matou.
- 3
- He aha matou i kiia ai he kararehe, i waiho ai hei mea poke ki ta koutou titiro mai?
- 4
- Haea iho ana ia e ia ano, i a ia e riri ana. Māu koia ka mahue ai te whenua, ka nekehia mai ai te toka i tona wahi?
- 5
- E pirau ano hoki te rama a te hunga kino, e kore hoki te mura o tana ahi e mārama.
- 6
- He pouri te māramatanga mo roto i tona tapenakara, ka pirau ano hoki tana rama i runga i a ia.
- 7
- Ka whakakikitia mai nga takahanga o tona kaha, ka kokiritia iho ano ia e tana whakaaro ake.
- 8
- No te mea ka makā ia e ona waewae ake ki te kupenga, ka haere hoki ia i runga i te reti.
- 9
- Ka mau tona rekereke i te mahanga, ka kaha mai te kai pahua ki a ia.
- 10
- Kei te huna ki te whenua te aho mona, te rore hoki mona ki te huarahi.
- 11
- He whakamataku i nga taha katoa hei mea i a ia kia wehi, kia rererere noa ona waewae.
- 12
- Ka hemo tona kaha i te kai, a ka tata te whakangaromanga ki tona taha.
- 13
- Ka pau te kaha o tona kiri, ka pau tona kaha i te matamua o te mate.
- 14
- Ka huarangā atu tana i tumanoko atu ai i roto i tona tapenakara, a, ka kawea atu ia ki te kingi o nga whakamataku.
- 15
- Ko te kai noho ano tera mo tona tapenakara, he tapenakara hoki ehara nei i a ia; ka ruia te whanariki ki tona kāinga.
- 16
- Ka maroke ake ona pakiaka i raro, a i runga ka tapahia tona manga.
- 17
- Ka ngaro atu te maharatanga ki a ia i runga i te whenua; e kore ano ia e whai ingoa i te huanui.
- 18
- Ka peia atu ano ia i roto i te māramatanga ki te pouritanga, ka atiatia atu hoki i te ao.
- 19
- Kahore ana tama, kahore ona mokopuna i roto i tona iwi; kore ake he morehu o ona nohoanga.
- 20
- Miharo ana ki tona ra te hunga i muri i a ia, te hunga ano hoki i mua, i mau ano to ratou wehi.
- 21
- Ko nga nohoanga enei o te tangata kino, ko te wahi hoki tenei o te tangata kahore e mohio ki te Atua.
Address: 
Phone: 
Email: