- 1
- Na, ka tuaruatia te putanga mai o te kupu a Ihowa ki a Hona, i mea,
- 2
- Whakatika, haere ki Ninewe, ki taua pa nui, karangatia hoki ki reira te karangatanga e korerotia e ahau ki a koe.
- 3
- Na, whakatika ana a Hona, haere ana ki Ninewe, pera ana me ta Ihowa i korero ai. Na, he pa nui whakaharahara a Ninewe, e toru nga rangi e haerea ai.
- 4
- Na, ka timata ta Hona haere ki roto ki te pa, kotahi te rangi i haere ai, kei te karanga ia, kei te mea, Kia wha ake tekau nga ra, ka hurihia a Ninewe.
- 5
- A, whakapono tonu mai nga tangata o Ninewe ki ta te Atua, karangatia ana e ratou he noho-puku, he mea taratara o ratou kakahu, o o ratou mea rarahi, o o ratou mea iti.
- 6
- Te taenga atu hoki o te kupu ki te kingi o Ninewe, whakatika ana ia i runga i tona torona, whakarerea atu ana e ia tona koroka i kakahuria e ia, kei te hipoki i a ia ki te kakahu taratara, noho ana i runga i te pungarehu.
- 7
- I meinga ano e ia kia karangatia te korero i roto i Ninewe, he mea whakatakoto na te kingi ratou ko ana metararahi, i mea ia, Te tangata, te kararehe, te kau, te hipi, kei pa kai ratou, me he aha, me he aha, kei kai, kei inu wai:
- 8
- Engari kia hipokina te tangata me te kararehe ki te kakahu taratara, kia kaha ano hoki ta ratou karanga ki te Atua, kia hoki atu ano hoki nga tangata i tana ara kino, i tana ara kino, i te tutū ano hoki o o ratou ringaringa.
- 9
- Ko wai ka tohu tera pea te Atua ka tahuri, ka ripeneta, ka tahuri atu ano hoki i te muranga o tana riri, a, e kore tatou e ngaro?
- 10
- A te kitenga a te Atua i ā ratou mahi, kua tahuri atu ratou i to ratou ara kino, na, ka ripeneta te Atua ki te kino i kīa e ia kia meatia ki a ratou, kihai hoki i meatia.
Address: 
Phone: 
Email: